Հաշմանդամության թեմայով հոդվածների առաջին հանրապետական մրցույթը կանցկացվի Հայաստանում

Հաշմանդամության թեմայով հոդվածների առաջին հանրապետական մրցույթը կանցկացվի Հայաստանում, ասաց «Ունիսոն» հասարակական կազմակերպության տնօրեն Արմեն Ալավերդյանը:

«Մրցույթի նպատակն է հասարակության ուշադրությունն ուղղել հաշմանդամների խնդիրներին, նրան, որ նրանց մասին պետք է միշտ հիշել, որպեսզի նրանք իրենց պետության լիարժեք քաղաքացիներ զգան»,- հինգշաբթի մամուլի ասուլիսի ժամանակ նշեց նա:

Ըստ Ալավերդյանի` մրցույթին մասնակցելու հայտերն ընդունվում են մինչև նոյեմբերի 15-ը, իսկ հաղթողների պարգևները դրամական մրցանակների և դիպլոմների տեսքով կհանձնվեն դեկտեմբերի 3-ին: «Այդ օրը պատահական չէ ընտրված, քանի որ հենց այդ օրն է համարվում Հաշմանդամների միջազգային օր»,- ասաց Ալավերդյանը:

Ըստ նրա` մրցույթին կարող են մասնակցել բոլոր ցանկացողներն անկախ տարիքից և մասնագիտությունից: Միակ սահմանափակումը` միայն ավելի վաղ հրատարակաված հոդվածները չեն կարող ներկայացվել մրցույթին:

Ինչպես նշեց տնօրենը, մրցույթն անցկացվում է Հայաստանում Իրանի դեսպանատան ֆինանսական աջակցության շնորհիվ:

Ըստ պաշտոնական վիճակագրական տվյալների` 2010թ.-ի հունվարի 1-ի դրությամբ Հայաստանում 179 հազար հաշմանդամ է բնակվում, ինչը ողջ բնակչության 5-6 տոկոսն է կազմում:

«Ունիսոն» հասարակական կազմակերպությունը հիմնադրվել է 2002թ.-ի մայիսին: Կազմակերպության առաքելությունն է աջակցել հաշմանդամ մարդկանց և  պաշտպանել նրանց իրավունքները: -0-