Թուրքիայի ներքաղաքական իրավիճակը մնում է լարված. թուրքագետ

ԵՐԵՎԱՆ, 28 հուլիսի. /Նովոստի-Արմենիա/. Թուրքիայի ներքաղաքական իրավիճակը լարված է մնում, կարծում է թուրքագետ Արտակ Շաքարյանը։

Ըստ նրա` դա պայմանավորված է Թուրքիայի ներսում տարբեր ուժերի միջև առկա պայքարով։

Ըստ նրա` Թուրքիայում գործում են միմյանց դեմ սուր պայքար մղող երեք ուժեր։ Դրանք զինվորական-քեմալիստներն են, ովքեր պարբերաբար ռազմական հեղաշրջումներ են կազմակերպում, որպեսզի վերադարձնեն Թուրքիան Աթաթուրքի կողմից բացած ուղուն։ Երկրորդ ուժն այսօր երկրում իշխող իսլամիստներն են և երրորդը՝ քրդերը, ովքեր միանալով կամ մեկին, կամ մյուսին՝ հզորացնում են իրենց դիրքերը։

Նա նշեց նաև, որ քրդերը նույնպես միատարր չեն՝ նրանց մի մասը հարում է Քրդստանի աշխատավորական կուսակցությանը (ՔԱԿ), իսկ մյուս մասը համագործակցում է իսլամիստների հետ։

Թուրք-քրդական վերջին բախումները, փորձագետի կարծիքով, ձեռնտու են թուրք զինվորականներին, քանի որ բարձրացնում են բանակի նշանակությունը հասարակության աչքերում։

«Գլխավոր շտաբին անհրաժեշտ է, որպեսզի ժողովուրդը գիտակցի, որ պետությունն առանց բանակի չի կարող ապրել»,- ասաց նա։ -0-