Ոստիկանությունը փնտրում է խոշոր երևանյան խանութի փոխանակման կետի չհրկիզվող պահարանների գողերին

ԵՐԵՎԱՆ, 26 հուլիսի./Նովոստի-Արմենիա/. ՀՀ իրավապաշտպան մարմինները փնտրում են այն անձանց, ովքեր շաբաթ օրը գիշերը «Օջախ» շինանյութի խանութից չհրկիզվող պահարաններ են հափշտակել, հաղորդում է Ոստիկանության մամուլի ծառայությունը։

Հաղորդագրության համաձայն՝ գողությունը կատարել են դիմակավոր 4 անձիք, որոնք խանութ են ներխուժել՝ տեխնիկական միջոցների գործադրմամբ բացելով խանութի մուտքի դուռը։

Մամուլի ծառայությունից նշեցին, որ գողերը դանակով սպառնացել են պահակին։ Կատարվում է նախաքննություն: -0-