479.46
6.83
448.18
+20
Եղանակը Երևանում
Հայ

Կոսովոյի վերաբերյալ ՄԴ եզրակացությունը կարող է գործիք դառնալ Ղարաբաղի անկախության ճանաչման համար. ՀՅԴ

14:50
23 Հուլիսի 2010

ԵՐԵՎԱՆ, 23 հուլիսի. /Նովոստի-Արմենիա/. Կոսովոյի վերաբերյալ ՄԱԿ-ի Միջազգային դատարանի (ՄԴ) եզրակացությունը կարող է գործիք դառնալ Լեռնային Ղարաբաղի Հանրապետության անկախության ճանաչման համար, հայտարարել է ընդդիմադիր Հայ հեղափոխական դաշնակցության խորհրդարանական խմբակցության ղեկավար Վահան Հովհաննիսյանը:

Հինգշաբթի ՄԱԿ-ի Միջազգային դատարանի նախագահ Խիսասի Օվադան (Ճապոնիա) հայտարարել է, որ Կոսովոյի անկախության ինքնահռչակումը չի հակասում միջազգային իրավունքի նորմերին: Ինչպես ընդգծել է Օվադան, դատարանը կարծում է, որ միջազգային իրավունքն անկախության հռչակման որևէ տեսանելի արգելք չի պարունակում:

«Անկախության հռչակումն օրինական է: Սակայն այն օրինական է բոլորի համար: Դրա համար, իհարկե, պետք է նախադրյալներ լինեն: Այդ նախադրյալները Ղարաբաղն ապահովել է եթե անգամ Կոսովոյից ոչ ավելի, ապա հաստատ ոչ պակաս», - ուրբաթ լրագրողներին ասաց Հովհաննիսյանը:

Նա ընդգծեց, որ Ղարաբաղն անկախություն է ձեռք բերել՝ հիմնվելով օրենքի ուժի վրա: «Նշանակում է, որ հիմա մենք նոր գործիք և նոր հնարավորություն ենք ստանում՝ Ղարաբաղի անկախության միջազգային ճանաչման համար պայքարելու նպատակով», - հայտարարեց ՀՅԴ խմբակցության ղեկավարը:

Միաժամանակ պատգամավորը նշեց, որ Կոսովոյի անկախության ճանաչման հետ կապված իրավիճակը հարկավոր է երկակի իմաստով դիտարկել: Մի կողմից՝ Հովհաննիսյանը ողջունեց Կոսովոյի անկախության հռչակումը, ինչը «բխում է ինչպես մեր ազգային շահերից, այնպես էլ համաշխարհային արդարության տեսակետից»:

Ըստ Հովհաննիսյանի՝ մյուս կողմից Կոսովոյի անկախության ճանաչման մասին ԱՄՆ-ի հայտարարությունն անկախ ՄԱԿ-ի Միջազգային դատարանի վճռից խարխլում է միջազգային իրավունքի հիմքերը:

Կոսովոյի ալբանական իշխանությունները 2008 թ.-ի փետրվարի 17-ին ԱՄՆ-ի և ԵՄ մի շարք երկրների աջակցությամբ միակողմանի կարգով Սերբիայից անկախություն հռչակեցին: Այսօրվա դրությամբ հռչակված պետությունը ճանաչել են ՄԱԿ-ի 192 անդամներից 69 երկիր: Սերբիան, Ռուսաստանը, ինչպես նաև Չինաստանը, Հնդկաստանը և մի շարք այլ ազդեցիկ երկրներ հրաժարվել են ճանաչել Կոսովոն՝ համարելով, որ կոսովցի ալբանացիները Սերբիայից անջատվելով՝ կոպտորեն խախտել են միջազգային իրավունքի նորմերը:

Անդրադառանլով ԼՂՀ անկախության հռչակման կապակցությամբ ՄԱԿ-ի Միջազգային դատարան Հայաստանի դիմելու հնարավորությանը՝ Հովհաննիսյանը նշեց, որ Հայաստանն իրավունք չունի դա անել: «Եվ եթե ելնենք Կոսովոյի հետ նույնատիպ դեպքից, ապա այդ դեպքում դատարան են դիմել հենց սերբերը: Իսկ դա նշանակում է, որ ՄԱԿ-ի ՄԴ պետք է դիմի հենց Ադրբեջանը, ինչը նա, իհարկե, երբեք չի անի», - ասաց Հովհաննիսյանը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
16:11
27 Մայիսի 2022
Մհեր Գրիգորյանը հայտնել է, թե ինչ է քննարկվել Հայաստանի և Ադրբեջանի միջև սահմանազատման հարցերով հանձնաժողովների առաջին հանդիպմանը
ՀՀ փոխվարչապետը հայտնել է, թե ինչ է քննարկվել Հայաստանի և Ադրբեջանի միջև սահմանազատման հարցերով հանձնաժողովների առաջին հանդիպմանը
14:19
27 Մայիսի 2022
Լավրովը հայտնել է ՀՀ–ում ամերիկյան կենսալաբորատորիաների մասին. անհրաժեշտ է համոզվել, որ չկա ռազմական բաղադրիչ
Լավրովը հայտնել է ՀՀ–ում ամերիկյան կենսալաբորատորիաների մասին. անհրաժեշտ է համոզվել, որ չկա ռազմական բաղադրիչ
12:08
27 Մայիսի 2022
Փաշինյանը ՌԴ դեսպանի հետ քննարկել է ԼՂ հիմնախնդրի կարգավորումն ու համագործակցությանը վերաբերող հարցեր
Փաշինյանը ՌԴ դեսպանի հետ քննարկել է ԼՂ հիմնախնդրի կարգավորումն ու համագործակցությանը վերաբերող հարցեր
21:54
26 Մայիսի 2022
Այդ օրը լինելու է իրենց վերջի սկիզբը և քաղաքական գերեզմանը. Իշխան Սաղաթելյանը փակագծեր է բացել
Այդ օրը լինելու է իրենց վերջի սկիզբը և քաղաքական գերեզմանը. Իշխան Սաղաթելյանը փակագծեր է բացել
14:10
25 Մայիսի 2022
Մոսկվայում հայտնել են Հայաստանի և Ադրբեջանի սահմանի սահմանազատման հանձնաժողովի երկրորդ հանդիպման ժամկետները
Մոսկվայում հայտնել են Հայաստանի և Ադրբեջանի սահմանի սահմանազատման հանձնաժողովի երկրորդ հանդիպման ժամկետները
15:08
24 Մայիսի 2022
«ՀՀ տարածքում միջանցքային տրամաբանության ճանապարհ չի կարող գործել». ԱԽ քարտուղարը պատասխանել է Ալիևին
«ՀՀ տարածքում միջանցքային տրամաբանության ճանապարհ չի կարող գործել». ԱԽ քարտուղարը պատասխանել է Ալիևին
12:40
24 Մայիսի 2022
Ակտիվիստների բնակարաններում խուզարկություններ են իրականացվում. ընդդիմություն
«Հայաստան» և «Պատիվ ունեմ» խորհրդարանական ընդդիմադիր խմբակցությունների ներկայացուցիչները հայտարարում են, որ կուսակցությունների որոշ ակտիվիստների բնակարաններում խուզարկություններ են իրականացվում
13:32
20 Մայիսի 2022
Հայաստանում չկան և չեն կարող լինել որևիցե «անկլավներ». քաղաքագետը կասկածի տակ է դրել Ադրբեջան կոչվող արհեստածին կազմավորման գոյության իրավունքը
Հայաստանում չկան և չեն կարող լինել որևիցե «անկլավներ». քաղաքագետը կասկածի տակ է դրել Ադրբեջան կոչվող արհեստածին կազմավորման գոյության իրավունքը
15:13
19 Մայիսի 2022
ԱԽ քարտուղարը նշել է Ադրբեջանի հետ խաղաղության օրակարգի հետ կապված հայկական կողմի մոտեցումը
ԱԽ քարտուղարը նշել է Ադրբեջանի հետ խաղաղության օրակարգի հետ կապված հայկական կողմի մոտեցումը
14:52
17 Մայիսի 2022
Երևանում հայտնել են Հայաստանի, Ռուսաստանի և Ադրբեջանի փոխվարչապետերի առաջիկա հանդիպման մասին
Երևանում հայտնել են Հայաստանի, Ռուսաստանի և Ադրբեջանի փոխվարչապետերի առաջիկա հանդիպման մասին
11:36
17 Մայիսի 2022
Միրզոյանի նախագահությամբ Բրյուսելում կանցկացվի Հայաստան–ԵՄ գործընկերության խորհրդի նիստը
Միրզոյանի նախագահությամբ Բրյուսելում կանցկացվի Հայաստան–ԵՄ գործընկերության խորհրդի նիստը