Անցյալ շաբաթ Ալմաաթիում կայացած ոչ պաշտոնական հանդիպման ժամանակ ԵԱՀԿ երկրների ԱԳՆ ղեկավարների ճնշող մեծամասնությունը դեմ է հանդես եկել հակամարտությունների ուժային լուծմանը։
«Մի քանի օր առաջ Ալմաթիում ավարտվել է ԵԱՀԿ արտգործնախարարների ոչ պաշտոնական հանդիպումը, և ԵԱՀԿ բոլոր անդամների նախարարները ելույթ են ունեցել ընթացիկ իրավիճակի վերաբերյալ։ Նախարարների ճնշող մեծամասնությունը խոսել է այն մասին, որ ցանկացած հակամարտության լուծումն ուժային ճանապարհով բացարձակապես անհեռանկարային է և ողջ համաշխարահյին հանրության կողմից ծայրահեղ բացասական է ընդունվում»,- երեքշաբթի Երևանում մամուլի ասուլիսի ժամանակ նշեց Բորդյուժան։
«Ես կարծում եմ, որ դա վերաբերում է նաև Լեռնային Ղարաբաղի հակամարտությանը»,- ավելացրեց նա։
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:
Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-
