Հայաստանի բնակչության մինչև 20 տոկոսը տառապում է օրթոպեդիկ հիվանդություններով, հայտարարել է «Սուրբ Աստվածածին» բժշկական կենտրոնի վնասվածքաբանության և օրթոպեդիայի բաժանմունքի ղեկավար Կարապետ Մոմնջյանը:
«Ինչպես ցույց է տալիս վիճակագրությունը, տարեցտարի մեր հանրապետության տարածքում այդ թիվը գործնականում չի ավելանում և չի նվազում», - ուրբաթ մամուլի ասուլիսի ժամանակ նշեց Մոմնջյանը:
Բժշկի խոսքերով` ողնաշարի հետ կապված հիվանդությունները մեծ մասամբ ի հայտ են գալիս դեռ վաղ տարիքում: «Հայաստանում ամենատարածված օրթոպեդիկ հիվանդությունների շարքում են սկոլիոզը և ողնաշարի սկավառակի ծռվածքների դեգեներատիվ տեսակները, ինչպես նաև իշիասը, որոնք մեծ մասամբ հանգեցնում են նյարդային համակարգի վնասվածքի», - ասաց Մոմնջյանը:
Ինչպես նշում է բժիշկը, եթե ժամանակին ուշադրություն չդարձվի հիվանդության ախտանիշներին, որոնցից առավել հաճախ է ողնաշարի շրջանում առկա մշտական ցավը, ապա դա կհանգեցնի վիրաբուժական միջամտության:
«Նման իրավիճակ թույլ չտալու համար անհրաժեշտ է օրական գոնե 3-5 րոպե զբաղվել նախավարժանքով, ավելի շատ շարժվել և քիչ նստել», - նշում է բժիշկը:
Մոմնջյանի խոսքերով` ինչպես ցույց է տալիս պրակտիկան, նման դեպքերում բժիշկները հաճախ խորհուրդ են տալիս մեկ-մեկուկես ամիս զբաղվել լողով:-0-
