Հայաստանն ու Չինաստանը բուհական դիպլոմների փոխադարձ ճանաչման մասին համաձայնագիր կստորագրեն

ՀՀ կառավարությունը հինգշաբթի հաստատել է «Բարձրագույն կրթությունը, ինչպես նաև գիտական կոչումները և աստիճանները հավաստող փաստաթղթերի փոխադարձ ճանաչման մասին» համաձայնագրի ստորագրումը։

«Տվյալ համաձայնագրի կարևորությունը բխում է Հայաստանի և Չինաստանի միջև հարաբերությունների մերձեցման քաղաքականությունից, մասնավորապես՝ կրթության և գիտության ոլորտում»,- կառավարական նիստի ժամանակ ասաց ՀՀ կրթության և գիտության նախարարը։

Նա նաև նշեց, որ տարեկան շուրջ 15 հայ ուսանողներ միջազգային պայմանագրերի հիման վրա Չինաստանում ուսում ստանալու հնարավորություն են ունենում։

«Նրանց դիպլոմների ճանաչման հարցը պարբերաբար բարձացվում է Հայաստանում, այդ թվում այն մասնագիտություններով, որոնք գրանցված չեն Հայաստանում»,- ասաց Աշոտյանն՝ ավելացնելով, որ, մասնավորապես՝ խոսքը չինական բժշկության մասին է։ -0-