ՀԿԵ-ն լավագույն լրագրողական աշխատանքի մրցույթ է հայտարարում

ԵՐԵՎԱՆ, 8 հուլիսի. /Նովոստի-Արմենիա/. Երկաթուղայինի օրվա նախաշեմին «Հարավկովկասյան երկաթուղի» ՓԲԸ-ն լավագույն լրագրողական աշխատանքի մրցույթ է հայտարարում:

Հայաստանում Երկաթուղայինի օրը նշվում է օգոստոսի 2-ին:

Ինչպես «Նովոստի-Արմենիա» գործակալությանը տեղեկացրեցին ընկերության մամուլի ծառայությունից, մրցույթը բաղկացած կլինի երկու անվանակարգից՝ «Լավագույն հեռուստատեսային սյուժե» (1, 2, 3 տեղ) և «Լավագույն տպագիր նյութ» (1, 2, 3 տեղ):

Հեռուստատեսային սյուժեներն ու հոդվածները պետք է ներկայացնել ՀԿԵ ՓԲԸ: Արդյունքների ամփոփումն ու մրցանակների հանձնումը տեղի կունենա օգոստոսի 1-ին:

«Հայկական երկաթուղու» կոնցեսիոն կառավարումն իրականացնում է «ՀԿԵ» ՓԲԸ-ն՝ «Ռուսական երկաթուղիներ» ԲԲԸ-ի հարյուրտոկոսանոց դուստրը: ՀԿԵ-ն իր բալանսում ընդունել ՀԵ շարժակազմը 2008թ. հունիսի մեկից՝ «Հայկական երկաթուղի»՝ պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--