Սփյուռքի երիտասարդ մասնագետներին համակողմանի աջակցություն է անհրաժեշտ. ՀՀ սփյուռքի նախարար

ԵՐԵՎԱՆ, 7 հուլիսի. /Նովոստի-Արմենիա/. ՀՀ սփյուռքի նախարար Հրանուշ Հակոբյանը Գլենդելի քաղաքապետ Արա Նաջարյանի հետ հանդիպման ժամանակ նշել է սփյուռքի երիտասարդ մասնագետներին համակողմանի աջակցություն ցուցաբերելու անհրաժեշտությունը, հաղորդում է գերատեսչության մամուլի ծառայությունը:

Միաժամանակ նա հատկապես շեշտել է քաղաքականության ոլորտն ընտրած սփյուռքահայ երիտասարդներին օժանդակելու կարևորությունը:

Հակոբյանը հյուրին ներկայացրել է ՀՀ սփյուռքի նախարարության գործունեությունն ու առաջիկա ծրագրերը: Քննարկվել են Գլենդելի հայ համայնքի հետ կապված հարցեր:-0-