Հայաստանում կբացվի «Իմ լեզուն քո բարեկամն է» ռուսաց լեզվի առաջին ամառային դպրոցը
ԵՐԵՎԱՆ, 2 հուլիսի. /Նովոստի-Արմենիա/. Ռուսաց լեզվի առաջին ամառային դպրոցի բացումը տեղի կունենա երկուշաբթի Հանքավանի դպրոցական առողջարանային ճամբարներում, տեղեկացնում է Հայաստանում Ռոսսոտրուդնիչեստվոյի ներկայացուցչության մամուլի ծառայությունը։
Պարապմունքները նախատեսվում է անցկացնել «անտառային» դասարաններում և հանգստի սենյակում՝ նկատի առնելով օրվա ժամացուցակը։
Հայաստանի օգնության ֆոնդի կազմակերպած ռուսաց լեզվի նմանատիպ դպրոց էլ կաշխատի Վայոց Ձորի մարզի Գերման գյուղի մանկապատանեկան ճամբարում։ Այնտեղ օգոստոսի 5-25-ն իրենց ամառային հանգիստը կարող են անցկացնել և ռուս դասականների լեզուն ավելի լավ ճանաչել որբ երեխաներն, ում հայրերը զոհվել են Արցախյան պատերազմի տարիներին։
Ապագա ռուսագետներին խրախուսելու նպատակով հուշանվերներ են պատրաստվել։ Նրանք բոլորը Պուշկինյան խորհրդանշաններով շապիկներ կստանան Հայաստանում Ռոսսոտրուդնիչեստվոյի ներկայացուցչության Ռուսաց լեզվի ռուսական ուսումնամեթոդական կենտրոնի անունից։
Ավարտին յուրաքանչյուր մասնակցի հանդիսավոր մթնոլորտում ռուսաց լեզվի ամառային դպրոց այցելելու վկայագիր կտրվի։ -0-
