ԵՐԵՎԱՆ, 1 հուլիսի./Նովոստի-Արմենիա/. «Ռուսական երկաթուղիներ» ԲԲԸ-ն ոչ մի բանակցություն չի վարում վրացական երկաթուղիները կոնցեսիայում ընդգրկելու ուղղությամբ, ասաց ՌԵ ղեկավար Վլադիմիր Յակունինը:
Վրացական երկաթուղին իր հաղորդակցության երկաթուղային ճանապարհները կոնցեսիա փոխանցելու պատրաստակամություն է հայտնել: ԶԼՄ-ների հրապարակումների համաձայն, ՌԵ-ի հետ համապատասխան բանակցություններ են ընթացել:
«Այդ ուղղությամբ ոչ մի պաշտոնական բանակցություններ չի տարվել և չի տարվում, և ինձ այդ մասին ոչինչ հայտնի չէ»,- հինգշաբթի Երևանում լրագրողներին ասաց Յակունինը:
Միաժամանակ ռուսական ընկերության նախագահը նշեց, որ տվյալ պահին ինքը պատրաստ չէ քննարկել կոնցեսիայում վրացական ճանապարհների ձեռքբերման մեջ ՌԵ շահագրգռվածության մասին հարցը: -0-
