«Ռուսական երկաթուղիներ» ԲԲԸ-ի՝ Հայաստանում իրականացրած ներդրումներն արդյունավետ են, հինգշաբթի երևանյան կայարանի վերակառուցված շենք կատարած այցի ժամանակ լրագրողներին ասաց ՌԵ նախագահ Վլադիմիր Յակունինը:
«Արդյունավետության տեսանկյունից կարծում եմ, որ ՀԿԵ ղեկավարությունը՝ Հայաստանի կառավարության վերահսկողությամբ, արդյունավետ կերպով է իրականացրել ներդրումները»,- ասաց նա:
Յակունինը նշեց, որ քաղաքացիներն իրենք կարող են գնահատել, թե որտեղ են ներդրվում գումարները՝ տեսնելով կայարանի նորոգված շենքը, լոկոմոտիվների դեպոն՝ հաշվի առնելով երկաթուղիների ընդհանուր վիճակը:
Ինչ վերաբերում է իրականացվող ներդրումներին, նրա խոսքով, մտավախություն կար, որ ճգնաժամը կարող է ազդել ՌԵ ստանձնած պարտավորությունների իրականացմանը:
«Դա տեղի չունեցավ, մենք ամբողջ ծավալով իրականացրեցինք մեր պարտավորությունները և մտադիր ենք շարունակել դա»,- ասաց Յակունինը: Ռուսական խոշորագույն ընկերություններից մեկի նախագահը հիշեցրեց, որ Հայաստանում ՌԵ ներդրումների ծավալը կազմում է 500 մլն դոլար:
«Հայկական երկաթուղիների» կոնցեսիոն կառավարումն իրականացնում է «ՀԿԵ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵ-ն իր բալանսում ընդունել ՀԵ շարժակազմը 2008թ. հունիսի մեկից՝ «Հայկական երկաթուղիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0—
