Լիլիթ Մկրտչյանը երկրորդ տեղ է դուրս եկել Ջերմուկի ՖԻԴԵ-ի Գրան պրիի փուլում

Հայ շախմատիստուհի Լիլիթ Մկրտչյանը 6-րդ տուրում սպիտակ խաղաքարերով հաղթելով աշխարհի չեմպիոնուհի Մայա Չիբուրդանիձեին (Վրաստան) երկրորդ տեղում է Ջերմուկում անցկացվող ՖԻԴԵ-ի Գրան պրիի կանանց մրցաշարի 4-րդ փուլում, տեղեկացնում է մրցաշարի պաշտոնական կայքը։ 

Մեկ այլ հայուհին՝ Էլինա Դանիելյանը, պարտություն է կրել աշխարհի նախկին չեմպիոնուհի Անտոանետ Ստեֆանովայի (Բուլղարիա) հետ խաղում։

Վեցերորդ փուլն անցել է «սպիտակները սկսում են և հաղթում» կարգախոսի ներքո. Բոլոր վեց պարտիաներն էլ ավարտվել են սպիտակների հաղթանակով:

Մրցաշարի առաջատարն է վրացուհի Նանա Ձագնիձեն՝ 5,5 միավորով:

Վեց փուլից հետո մրցաշարային դասավորվածությունն ունի հետևյալ տեսքը՝ 1՝ Նանա Ձագնիձե ( Վրաստան) - 5,5 միավոր, 2՝ լիլիթ Մկրտչյան (Հայաստան) -  4,5 միավոր, 3 Տատյանա Կոսինցևա (Ռուսաստան) – 4 միավոր, 4-5՝  Խոու Իֆան և Շեն Յան  (Չինաստան) -3,5միավոր, 6-8՝ Էլինա Դանիելյան (Հայաստան), Սյու Յուհուա (Չինաստան), Անտուանետա Ստեֆանովա (Բուլղարիա)-3 միավոր, 9՝ Մայու Չիբուրդանիձե (Վրաստան)-2,5 միավոր, 10՝ Պիա Կրամլինգ (Շվեդիա)- 2 միավոր, 11՝ Բաիրա Կովանովա (Ռուսաստան) -1,5 միավոր, 12՝ Մարթա Ֆիերո (Էկվադոր)- 0 միավոր:

Հայ շախմատիստուհիները 7-րդ տուրում կխաղան միմյանց հետ, Ձագնիձեն կխաղա իր հայրենակցուհու՝ Մայա Չիբուրդանիձեի, իսկ Կոսինցևան՝ Շեն Յանի հետ:-0-