ԵՐԵՎԱՆ, 30 հունիսի. /Նովոստի-Արմենիա/. Հայաստանը հուսով է, որ Իրանի խնդիրը կլուծվի բացառապես բանակցությունների միջոցով, «Էխո Մոսկվի» ռադիոկայանին տված հարցազրույցում ասել է ՌԴ-ում ՀՀ արտակարգ և լիազոր դեսպան Օլեգ Եսայանը:
Դիվանագետի խոսքերով` Հայաստանը շատ ուշադիր հետևում է, թե ինչ է տեղի ունենում հարևան երկրներում, այդ թվում նաև Իրանում:
«Ոչ մի երկիր չի կարող անտարբեր լիներ, թե ինչ է տեղի ունենում սեփական սահմանի մոտ», - ասել է դեսպանը
Նրա խոսքերով` անհրաժեշտ է հաշվի առնել նաև այն հանգամանքը, որ Հայաստանը ավանդաբար նորմալ փոխհարաբերություններ ունի Իրանի հետ:
«Տնտեսական շրջափակման տարիներին, որը, ցավոք, շարունակվում է մինչև հիմա, Հայաստանի համար ամենօրյա օգտագործման միակ ճանապարհը Իրանի միջով էր անցնում», - ասել է դեսպանն` ավելացնելով, որ հայկական կողմը հույս ունի, որ միայն բանակցությունների միջոցով Իրանն ու համաշխարհային հանրությունը կգան փոխադարձ ընդունելի լուծման:-0-
