Հայ շախմատիստուհի Լիլիթ Մկրտչյանը սև խաղաքարերով Ջերմուկում անցկացվող ՖԻԴԵ-ի կանանց Գրան-պրիի 4-րդ փուլում հաղթել է աշխարհի նախկին չեմպիոն Անտոանետա Ստեֆանովային (Բուլղարիա), հաղորդում է մրցաշարի պաշտոնական կայքը:
Էլինա Դանիելյանն իր հերթին ոչ-ոքի է խաղացել Խոու Իֆանի (Չինաստան) հետ: Հինգերորդ փուլի այլ խաղերում ռուսաստանցի Տատյանա Կոսինցևան պարտության է մատնել Վրաստանի ներկայացուցիչ Մայա Չիբուրդանիձեին, Նանա Ձագնիձեն (Վրաստան)` Մարթա Ֆիերոյին (Էկվադոր), իսկ Շեն Յանը (Չինաստան)` Բայրա Կովանովային (Ռուսաստան): Միայն Պիա Կռամլինգ (Շվեդիա) – Սյու Յուխուա (Չինաստան) հանդիպումն է ավարտվել ոչ-ոքի:
Մրցաշարի առաջատարն է 3,5 միավոր հավաքած Նանա Ձագնիձեն (Վրաստան):
Չորրորդ փուլում երկու հայ շախմատիստուհիները ոչ-ոքի են խաղացել` Լիլիթ Մկրտչյանը սպիտակ խաղաքարերով ոչ-ոքի է խաղացել ռուսաստանցի Տատյանա Կոսինցևայի հետ, իսկ Էլինա Դանիելյանը սև խաղաքարերով ոչ-ոքի խաղացել Չինաստանը ներկայացնող Սյու Յուխուայի հետ: Ոչ-ոքի է ավարտվել նաև Շեն Յան (Չինաստան)-Պիա Կրամլինգ (Շվեդիա) հանդիպումը:
Փուլի այլ հանդիպումներում Ձագնիձեն սպիտակ խաղաքարերով հաղթանակ է տարել ռուսաստանցի Բայրա Կովանովայի նկատմամբ, Մայա Չիբուրդանիձեն հաղթել է Մարթա Ֆիերոյին (Էկվադոր), իսկ Խոու Իֆանը (Չինաստան)` Անտոանետա Ստեֆանովային (Բուլղարիա):
Հինգ փուլերից հետո մրցաշարային աղյուսակը հետևյալ տեսքն ունի` Նանա Ձագնիձե (Վրաստան)` առաջին տեղ (4,5 միավոր), Տատյանա Կոսինցևա (Ռուսաստան)` երկրորդ տեղ (4 միավոր), Լիլիթ Մկրտչյան (Հայաստան)` երրորդ տեղ (3,5 միավոր), Էլինա Դանիելյան (Հայաստան)` 4-րդ տեղ (3 միավոր), Մայա Չիբուրդանիձե, Խոու Իֆան և Շեն Յան` 5-7-րդ տեղ (2,5-ական միավոր), Անտոանետա Ստեֆանովա (Բուլղարիա), Սյու Յուխուա (Չինաստան), Պիա Կռամլինգ (Շվեդիա)` 8-10-րդ տեղ (2-ական միավոր), Բայրա Կովանովա (Ռուսաստան)` 11 տեղ (1,5 միավոր), Մարթա Ֆիերո` 12-րդ տեղ (0 միավոր):
Վեցերորդ փուլում առաջատարները կպայքարեն միմյանց միջև` Դանիելյանը Մկրտչյանի, Ձագնիձեն Կոսինցևայի հետ:-0-
