Ջերմուկում անցկացվող ՖԻԴԵ-ի Գրան պրիում հայ շախմատիստուհիները 3-5-րդ տեղերն են կիսում

Հայ շախմատիստուհիներ Էլինա Դանիելյանը և Լիլիթ Մկրտչյանը 2,5 միավորներով 3-5-րդ տեղերն են կիսում նախկին չեմպիոնուհի Մայա Չիբուրդանիձեի հետ Ջերմուկում անցկացվող ՖԻԴԵ-ի Գրան պրիի կանանց 4-րդ մրցաշարում, տեղեկացնում է մրցաշարի պաշտոնական կայքը։  

Մրցաշարում առաջատար է 3,5 միավոր հավաքած Նանա Ձագնիձեն (Վրաստան)։

4-րդ փուլում երկու հայ շախմատիստուհիները ոչ-ոքի են խաղացել՝ Լիլիթ Մկրտչյանը սպիտակներով Տատյանա Կոսինցևայի (Ռուսաստան) հետ, իսկ Էլինա Դանիելյանը սևերով՝ չինացի Սյու Յուխուայի հետ։ Ոչ-ոքի է ավարտվել նաև Շեն Յան (Չինաստան) և Պիա Կրամլինգ (Շվեդիա) հանդիպումը:

Փուլի մյուս պարտիաներում Ձագնիձեն սպիտակ խաղաքարերով հաղթանակ է տարել ռուս Բաիրա Կովանովայի նկատմամբ, Մայա Չիբուրդանիձեն՝ Մարթա Ֆիերոյի (Էկվադոր) նկատմամբ, իսկ Խոու Իֆանը (Չինաստան)՝ Անտոանետա Ստեֆանովայի (Բուլղարիա) նկատմամբ։

Չորս փուլից հետո մրցաշարային դասավորվածությունը հետևյալն է՝ 1 Նանա Ձագնիձե՝ 3,5 միավոր, 2 Տատյանա Կոսինցևա՝ 3 միավոր, 3-5 Էլինա Դանիելյան, Լիլիթ Մկրտչյան (երկուսն էլ՝ Հայաստան) և Մայա Չիբուրդանիձե՝ 2,5, 6-7 Խոու Իֆան (Չինաստան) և Անտոանետա Ստեֆանովա (Բուլղարիա)՝ 2, 8-11՝ Սյու Յուխուա, Շեն Յան (երկուսն էլ Չինաստան), Պիա Քրամլինգ (Շվեդիա) և Բաիրա Կովանովա (Ռուսաստան), 12՝ Մարթա Ֆիերո (Էկվադոր)՝ 0 միավոր։

5-րդ տուրում Դանիելյանը կհանդիպի Խոու Իֆանի, իսկ Մկրտչյանը՝ Անտոանետա Ստեֆանովայի հետ։ Ձագնիձեն կխաղա Մարտա Ֆիերոյի, իսկ Կոսինցևան՝ Չիբուրդանիձեի հետ։ -0-