Երևանում հայկական ջազ-բենդերի մրցույթ կանցկացվի «Ոսկե ծիրան» կինոփառատոնի շրջանակներում

«Ոսկե ծիրան» յոթերորդ միջազգային կինոփառատոնի շրջանակներում Երևանում հուլիսի 11-17-ը «Ջազ-կինո» նշանաբանի ներքո հայկական ջազ-բենդերի մրցույթ կանցկացվի, ասաց կինոփառատոնի միջոցառումների կազմակերպիչ Վարդան Հակոբյանը:

«Ոսկե ծիրան» միջազգային ամենամյա կինոփառատոնը տարածաշրջանում ամենահեղինակավոր փառատոններից մեկն է և անցկացվում է 2004 թ.-ից: «Ոսկե ծիրան» յոթերորդ կինոփառատոնը կանցկացվի Երևանում հուլիսի 11-18-ը, որի շրջանակներում կներկայացվեն ավելի քան 100 ֆիլմեր աշխարհի 62 երկրներից:

«Այս տարի կիրագործվի մեր վաղեմի երազանքը, որը փառատոնին տոնական երանգ կհաղորդի: Այս տարի մենք ջազային փառատոն ենք նախատեսել, որի շրջանակներում ամեն երեկո Շառլ Ազնավուրի հրապարակում կինոյի երաժշտությունի կհնչի», - ասաց Հակոբյանը:

Նա նշեց, որ մրցույթը կանցկացվի հայտնի հայ ջազմեն Լևոն Մալխասյանի ղեկավարությամը, ով կգլխավորի երաժշտական մրցույթի ժյուրին:

Հակոբյանն ավելացրեց, որ մրցույթի մրցանակակիրների անունները կհրապարակվեն հուլիսի 16-ին, իսկ հաջորդ օրը, փակման արարողության շրջանակներում, հաղթողներին մրցանակներ կհանձնվեն:

Ջազային մրցույթի ընդհանուր դրամական ֆոնդը կկազմի 6 հազար դոլար:-0-