Հայաստանի նախագահի այցը Գերմանիա համագործակցության նոր հիմքեր կդնի. ԱԳՆ

ԵՐԵՎԱՆ, 25 հունիսի. /Նովոստի-Արմենիա/. Հայաստանի նախագահ Սերժ Սարգսյանի այցը Գերմանիա հագեցած և արդյունավետ է եղել, իսկ նրա հանդիպումները երկկողմ հարաբերությունների հետագա զարգացման նոր և կարևոր հիմք կդնեն, ասաց Հայաստանի արտաքին գործերի նախարար Էդվարդ Նալբանդյանը։

Հայաստանի նախագահը հունիսի 21-23-ը պաշտոնական այցով Գերմանիայում էր։ Այցի շրջանակներում Սարգսյանը հանդիպումներ է տեղի ունեցել ԳԴՀ նախագահի պաշտոնակատար Յենս Բյոհրնզենի, կանցլեր Անգելա Մերկելի եւ Բունդեսթագի նախագահ Նորբերտ Լամերտի հետ: Սերժ Սարգսյանը հանդիպել է նաև ԳԴՀ տնտեսության արևելյան հանձնաժողովի ղեկավարության և գործարար շրջանակների ներկայացուցիչների հետ: Նա հյուրընկալվել է Կոնրադ Ադենաուերի հիմնադրամի ակադեմիայում, որտեղ հանդես է եկել ելույթով: Սերժ Սարգսյանը հանդիպում է ունեցել նաև Գերմանիայի հայ համայնքի ներկայացուցիչների հետ:

«Գերմանիայի հետ մեր հարաբերություններն ամենաբարձր մակարդակի վրա են ինչպես երկկողմ քաղաքական երկխոսության, այնպես էլ տնտեսության և այլ ոլորտներում համագործակցության տեսանկյունից»,- ուրբաթ մամուլի ասուլիսում հայտարարեց Նալբանդյանը։

Միաժամանակ նա նշեց, որ նախագահի այցը թույլ տվեց քննարկել այն հնարավորությունները, որոնք կարող են օգտագործվել երկու կողմերից, և այն քայլերը, որոնք անհրաժեշտ է ձեռնարկել հայ-գերմանական հարաբերությունների առավելագյուն ամրապնդման, խորացման և զարգացման նպատակով։ -0-