Սյունիքի մարզի 35-ամյա մի բնակիչ գնացել է ձկնորսության և անհայտ կորել

ՀՀ Սյունիքի մարզի Սառնակունք գյուղի 35-ամյա բնակիչ Ս. Հովհաննիսյանը հունիսի 22-ին ձուկ որսալու նպատակով տանից դուրս է եկել և չի վերադարձել, հինգշաբթի «Նովոստի-Արմենիա» գործակալությանը տեղեկացրեցին ՀՀ ԱԻՆ փրկարար ծառայությունից:

«Հունիսի 23-ին Սիսիան քաղաքի ոստիկանությունից տեղեկություն է ստացվել անհայտ կորած Հովհաննիսյանի մասին, ինչի կապակցությամբ ՀՓՋ-ից մեկ մարտական հաշվարկ և հինգ հրշեջ-փրկարար մեկնել են որոնողափրկարարական աշխատանքների», - ասվում է տեղեկատվության մեջ:

Որոնողափրկարարական աշխատանքները տևել են մինչև 21:30-ը, սակայն արդյունք չեն տվել: Հունիսի 24-ի առավոտյան որոնողափրկարարական աշխատանքները վերսկսվել են:   -0-