Երկու երիտասարդները տուժել են ՃՏՊ-ից. նրանց վիճակը ծանր կայուն է

ԵՐԵՎԱՆ, 22 հունիսի. /Նովոստի-Արմենիա/. Երկու երիտասարդներ տուժել  են Երևան-Երասխ ավտոճանապարհի 13-րդ կիլոմետրում տեղի ունեցած ավտովթարի հետևանքով, երեքշաբթի «Նովոստի-Արմենիա» գործակալությանը հայտնեցին Հայաստանի ԱԻՆ փրկարար ծառայությունից։

«Վթարի հետևանքով ամբողջությամբ այրվել է «Մերսեդես» մակնիշի ավտոմեքենան, իսկ ավտոմեքենայի վարորդ, Արարատի մարզի Արևաշատ գյուղի բնակիչ, 22-ամյա Երվանդ Բաբայանը և ուղևոր, նույն գյուղի բնակիչ, 25-ամյա Զինաիդա Գրիգորյանը տարբեր աստիճանի մարմնական վնասվածքներով տեղափոխվել են Երևանի «Էրեբունի» բժշկական կենտրոն»,- ասվում է հաղորդագրությունում:

Ըստ բժիշկների` տուժածների վիճակը ծանր կայուն է: -0-