Հայկական ավիաուսումնական կենտրոնը մինչև 2010 թվականի վերջը կտա իր առաջին օդաչու-շրջանավարտները

Հայաստանի քաղավիացիայի գլխավոր վարչության ավիաուսումնական կենտրոնը մինչև տարեվերջ կտա իր իր առաջին օդաչու-շրջանավարտները, ուրբաթ «Նովոստի-Արմենիա» միջազգային մամուլի կենտրոնում ասաց կենտրոնի տնօրեն Ֆրիդա Մուրադյանը:

Հայաստանի քաղավիացիայի գլխավոր վարչության ավիաուսումնական կենտրոնը որպես արտոնագրված ուսումնական հաստատություն գործում է 2003 թ.-ից` տալով 32 մասնագետ: Որպես միջին մասնագիտկաան հաստատություն՝ կենտրոնը սկսել է գործել 2007 թ.-ից: Այսօրվա դրությամբ կենտրոնը զբաղվում է ավիատեխնիկների, ավիադիսպետչերների, թռիչքների կազմակերպիչների և օդաչուների նախապատրաստմամբ: Կենտրոնում ընդհանուր առմամբ սովորում է 150 ուսանող:

«Մինչև տարեվերջ պետպատվերի շրջանակում մենք կունենանք կոմերցիոն օդաչուների առաջին սերունդը: Միաժամանակ օդաչուի որակավորմամբ նրանք ամբողջովին համապատասխանում են բոլոր անհրաժեշտ եվրոպական պահանջներին` ներառյալ թռիչքային ժամերի անհրաժեշտ քանակը», - ասաց Մուրադյանը:

Նրա խոսքերով` այս տարի կենտրոնը կունենա վեց շրջանավարտ, որոնցից հինգը պետպատվերի շրջանակներում են սովորել, ուսումը տևում է երեք տարի, ինչից հետո շրջանավարտները թռիչքային պրակտիկա են անցնում:

Նա նաև նշեց, որ ուսանողները պրակտիկան անցնում են Diamond-40 I Diamond-42 տիպի ավստրիական ինքնաթիռներով, որոնց համակարգը շատ մոտ է Airbus-ին:

«Կենտրոնի շրջանավարտների շուրջ 80 տոկոսը ամեն տարի աշխատանքի է տեղավորվում ինչպես Հայաստանում, այնպես էլ արտերկրում, միաժամանակ միայն աէրոնավիգացիոն ծառայությունը ամեն տարի պատվիրում է 3-4 տեղ` ավիադիսպետչերների նախապատրաստման պետպատվերի շրջանակներում», - ասաց Մուրադյանը:

Հայաստանում չկան բարձրացույն ավիացիոն հաստատություններ, ինչի կապակցությամբ օդաչուների ուսուցումն իրականացվում է կամ Ավիաուսումնական կետրոնի շրջանակներում, կամ օտարերկրյա բարձրագույն թռիչքային ուսումնական հաստատությունների, մեծամասամբ, ռուսական հաստատությունների հետ համագործակցությամբ:-0-