Իրանի դեմ հնարավոր ռազմական ակցիան աշխարհաքաղաքական լուրջ հետևանքներ կունենա Հայաստանի համար. փորձագետ

“Աշխարհաքաղաքական տեսանկյունից Իրանում հնարավոր պատերազմի դեպքում Հայաստանին լուրջ վնաս կհասցվի”,- ասաց նա՝ պատճառաբանելով դա նրանով, որ պատերազմի դեպքում Իրանը, լինելով դեպի Հայաստան էներգակիրների մատակարարման տարանցիկ երկիր, ժամանակավորապես կորցնում է իր հուսալիությունը:

Սարուխանյանի խոսքերով` չնայած, որ ներկայումս Հայաստանն իրանական գազի կարիք չունի և չի օգտվում իրանական գազատարից, Իրանում իրավիճակի ապակայունացումը կհանգեցնի Հայաստանի՝ Վրաստանից կախյալ վիճակի:

“Վրաստանի մենաշնորհային դիրքը կարող է անդրադառնալ հայ-վրացական հարաբերությունների վրա”,- ասաց նա` չբացառելով այն հնարավորությունը, որ Վրաստանը կօգտվի իր դիրքից որոշ խնդիրների լուծման համար:

Միաժամանակ, Սարուխանյանի խոսքերով, Ադրբեջանի համար Իրանում հնարավոր պատերազմի սցենարն ավելի բացասական կլինի, մասնավորապես, փախստականների հոսքի տեսանկյունից:

“Հայաստանում այսպիսի խնդիր չի առաջանում, քանի որ մենք միայն մեկ գործող սահմանային կետ ունենք Իրանի հետ”,- ասաց նա: -0-