ԵՐԵՎԱՆ, 16 հունիսի. /Նովոստի-Արմենիա/. Նախօրեին Գյումրի քաղաքի Պատվո Բլրում ռուս սպաներին նվիրված հուշարձան է տեղադրվել, չորեքշաբթի «Նովոստի-Արմենիա» գործակալությանը հայտնեց «Պատվի գործ» ռուս-հայկական բարեգործական կազմակերպության մամուլի կենտրոնի ղեկավար Աշոտ Պողոսյանը։
Հուշարձանը քանդակագործ Բորիս Միկեշինի՝ 1909 թվականին Կարս քաղաքում (ներկայում՝ Թուրքիայի տարածք) կանգնեցրած, իսկ ավելի ուշ թուրքերի կողմից պայթեցված 13-մետրանոց կոթողի կրկնօրինակն է։ Նոր հուշարձանի հեղինակն է Հայաստանի վաստակավոր քանդակագործ Յուրի Մինասյանը։
«Պատվո Բլուր» ռուսական զինվորական գերեզմանատան բարեկարգման ընթացքին ծանոթանալու նպատակով Գյումրիում այցով գտնվեց Հայաստանում Ռուսաստանի Արտակարգ և Լիազոր դեսպան Վյաչեսլավ Կովալենկոն։ -0-
