Ռուսաստանը պետք է նոր ռազմաբազա տեղակայի հայ-իրանական սահմանում. ՀԵԿ

Ռուսական նոր ռազմաբազա պետք է տեղակայվի Իրանի և Հայաստանի սահմանին, կարծում է Հայաստանի երիտասարդական կուսակցության առաջնորդ Վահան Բաբայանը:

Ըստ նրա, ԱՄՆ-ի և Իրանի միջև հակամարտությունն ավելի լուրջ և պայթյունավտանգ է դառնում, և ռազմական բախման դեպքում սպառնալիք է ներկայացնում Հայաստանի համար:

«Այդ դեպքում ռուսական հզոր ռազմբազայի տեղակայումը կապահովի Հայաստանի անվտանգությունը և կընդգծի Ռուսաստանի դերը տարածաշրջանում»,- չորեքշաբթի մամուլի ասուլիսի ընթացքում ընդգծեց Բաբայանը:

Կուսակցության ղեկավարը նշեց նաև, որ հայ-իրանական սահմանին բազայի առկայությունը կդառնա Հայաստանի Սյունիքի մարզի (Իրանի հետ սահման) և Լեռնային Ղարաբաղի բնակչության անվտանգության երաշխիքը:

«Ռուսաստանը Հայաստանի ռազմական-ռազմավարական դաշնակիցն է և, բացի այդ, տարածաշրջանի անվտանգության կարևոր գործոն: Պատմությունը ցույց է տվել, որ առանց Ռուսաստանի Հայաստանը չի կարող գոյություն ունենալ»,- ասաց ՀԵԿ առաջնորդը:

Ռուսական ռազմական ներկայությունը ՀՀ-ում Հայաստանի ազգային անվտանգության կարևոր բաղկացուցիչն է: Ռուսական 102-րդ ռազմաբազան տեղակայված է Գյումրի քաղաքում՝ միջպետական պայմանագրերին համապատասխան:-0-