ՀՀ վարչապետը բարձր է գնահատել ՄԱԿ-ի կառույցների և Հայաստանի միջև ծավալված համագործակցությունը

15.06.2010, 17:13
ՀՀ վարչապետը բարձր է գնահատել ՄԱԿ-ի կառույցների և Հայաստանի միջև ծավալված համագործակցությունը

Միավորված ազգերի կազմակերպության (ՄԱԿ) Մարդու իրավունքների պաշտպանների իրավիճակի հարցերով Հատուկ զեկուցող Մարգարետ Սեկագյայի հետ հանդիպման ժամանակ ՀՀ վարչապետ Տիգրան Սարգսյանը բարձր է գնահատել ՄԱԿ-ի կառույցների և Հայաստանի միջև ծավալված համագործակցությունը, հաղորդում է ՀՀ կառավարության մամուլի ծառայությունը:

Հանդիպման ընթացքում զրուցակիցներն անդրադարձել են  Հայաստանում մարդու իրավունքների պաշտպանության ոլորտի ընդհանուր վիճակին: 

Տիգրան Սարգսյանը կարևորել է միջազգային փորձի կիրառումը Հայաստանում և դրանում ՄԱԿ-ի գրասենյակի աջակցությունը:

Հանդիպմանը ներկա էր նաև ՄԱԿ-ի Զարգացման ծրագրի մշտական համակարգող Դաֆինա Գերչևան: -0-