Հայաստանը միանում է Բռնությամբ անհետացած բոլոր անձանց պաշտպանության մասին միջազգային կոնվենցիային

ՀՀ Սահմանադրական դատարանը երեքշաբթի երկրի Մայր օրենքին համապատասխան է ճանաչել Բռնությամբ անհետացած բոլոր անձանց պաշտպանության մասին միջազգային համաձայնագիրը: Կոնվենցիան ընդունվել է ՄԱԿ-ի Գլխավոր վեհաժողովի կողմից 2006 թ.-ի դեկտեմբերի 20-ին Նյու Յորքում:

45 հոդվածից բաղկացած կոնվենցիայի հիմնական նպատակն է պաշտպանվել բռնի անհետացումներից:

Փաստաթղթի համաձայն` ամեն մի մասնակից-պետություն համապատասխան միջոցառումներ է ձեռնարկում բռնի անհետացումները քննելու, մեղավորներին բացահայտելու և պատժելու համար, պետությունները միմյանց փոխադարձ իրավական օգնություն են ցուցաբերում բռնի անհետացման փաստով հարուցված քրեական գործերի առնչությամբ:-0-