Երեք հայ բռնցքամարտիկներ դուրս են եկել Եվրոպայի Առաջնության կիսաեզրափակիչ

Երեք հայ բռնցքամարտիկներ դուրս են եկել Մոսկվայում անցկացվող Բռնցքամարտի Եվրոպայի Առաջնության կիսաեզրափակիչ, հաղորդում է առաջնության պաշտոնական կայքը:

1/4 եզրափակչում 64 կգ քաշային կարգում Հրաչյա Ջավաղյանը պարտության է մատնել Դավիթ Մյուլլերին (Գերմանիա), Հովհաննես Դանիելյանը (48 կգ) հաղթանակ է տարել ուկրաինացի Դենիս Շկարուբոյի նկատմամբ, իսկ Արթուր Խաչատրյանը (81 կգ)՝ լատվիացի Նիկոլա Գրիզունինի նկատմամբ:

Կիսաեզրափակչում Դանիելյանը ուժերը կչափի Էլվին Մամիշզադեի հետ (Ադրբեջան), ով 1/4 եզրափակչում մրցախաղից դուրս է թողել ռուս Դավիթ Հայրապետյանին։

Քառորդ եզրափակչի մրցապայքարներում Դերենիկ Դեմիրճյանը (51 կգ) պարտվել է Հալիդ Յաֆեին ( Մեծ Բրիտանիա), Ազատ Հովհաննսիյանը (57 կգ) զիջել է Թայրոն Մակ Քալահուին (Իռլանդիա), իսկ Անդրանիկ Հակոբյանը (75 կգ)՝ բելառուսցի Նիկոլայ Վեսելովին։ -0-