Հայաստանի ԿԲ ղեկավարը մեկնեց Երուսաղեմ՝ ԱՄՀ և ԿԲ Հոլանդիայի ենթախմբի երկրների հանդիպմանը մասնակցելու նպատակով

ՀՀ կենտրոնական բանկի նախագահ Արթուր Ջավադյանը և Ֆինանսական վարչության պետ Արթուր Նախշիկյանը մեկնեցին Երուսաղեմ, որտեղ մասնակցելու են Արժույթի միջազգային հիմնադրամի և Համաշխարհային բանկի Հոլանդիայի ենթախմբի երկրների հանդիպմանը, տեղեկացնում է Կենտրոնական բանկի մամուլի ծառայությունը:

Հունիսի 10-13-ն անցկացվելիք հանդիպման ընթացքում քննարկվելու են «Վերջին տնտեսական զարգացումները Հարավային և Արևելյան Եվրոպայում»,  «Ճգնաժամի դասերը բանկային և ֆինանսական շուկաների վերահսկման ոլորտում», «Ֆինանսական կայունությունն առաջ է ընթանում» և «Մաքուր էներգիա և աճ» թեմաները: -0-