ՀՀ կառավարությունը խստացնում է սփյուռքահայերի կողմից երեխաների որդեգրման կարգը

ՀՀ Ազգային ժողովի պատգամավորները  երկուշաբթի կայացած նիստի ժամանակ առաջին ընթերցմամբ ուղղումներ են մտցրել Երկրի ընտանեկան օրենսգրքում, որով խստացվում է սփյուռքահայերի կողմից երեխաների որդեգրման թույլտվություն տրամադրելու կարգը։

«Ընտանեկան օրնսգրքում երկրի կառավարության կողմից առաջարկված ուղղումների համաձայն՝ կառավարությունից որդեգրման թույլտվություն ստանալու պայմանը տարածվում է նաև Հայաստանի քաղաքացիների վրա, ովքեր մշտապես բնակվում են արտասահմանում»,- հայտնեց ՀՀ արդարադատության փոխնախարար Գևորգ Մալխասյանը։

Նա հիշեցրեց, որ արտասահմանցիների կողմից հայ երեխաների որդեգրմանը համաձայնություն է տալիս երկրի կառավարությունը ։ Ընդ որում արտասահմանցու կողմից որդեգրված երեխան, ինչպես հիշեցրեց Մալխասյանը, կորցնում է Հայաստանի քաղաքացիությունը։

Նա ավելացրեց, որ տարեկան Հայաստանում 30-35 երեխա են որդեգրում արտասահմանցիները, ովքեր վերցնում են այն երեխաներին, ում չեն ցանկանում դաստիարակության վերցնել Հայաստանի քաղաքացիները։ Հիմնականում, ինչպես պարզաբանեց նա, նրանք հիվանդ երեխաներ են, ում արտասահմանցիները արտերկիր են տանում բուժման համար։

Փոխնախարարը նաև ավելացրեց, որ Ընտանեկան օրենսգրքում կատարած ուղղումների համաձայն՝ երեխաներին նաև երաշխավորվում է ընտանիքում ապրելու և դաստիրակվելու իրավունքը, իրենց կենսաբանական ծնողներին իմանալու, ծնողների հոգածության և խնամքի իրավունքը, նրանց հետ համատեղ ապրելը ՝ բացառությամբ այն դեպքերին, եթե դա հակասում է երեխայի շահերին։ -0-