Հայ մարզիկը Եվրոպայի բազկամարտի չեմպիոն է դարձել

Հայաստանի Ձեռնամարտի հավաքականի անդամ Վլադիմիր Մնացականյանը (70 կգ, ձախ ձեռք)  Ռուսաստանի Մոսկվայի շրջանի Միտիշի քաղաքում մայիսի 31-ից հունիսի 6-ն անցկացվող Եվրոպայի Առաջնության հաղթող է դարձել, «Նովոստի-Արմենիա» գործակալությանը հայտնեց Հայաստանի Բազկամարտի Ֆեդերացիայի ղեկավար Արսեն Գաբրիյելյանը։

Ըստ նրա՝ եզրափակչում Մնացականյանը հաղթանակ է տարել Յան Վոյենչակի (Սլովակիա) նկատմամբ։

Պատանի մարզիկների 55 կգ ձախ ձեռքի կատեգորիայում երրորդ տեղը Աշոտ Ադամյանն է զբաղեցրել։

Հավաքականի ևս երկու մարզիկներ՝ Արման Փիրոյանն ու Մեխակ Պետրոսյանը, չորրորդ տեղերն են զբաղեցրել, ընդ որում Փիրոյանը 60 կգ կատեգորիայում աջ և ձախ ձեռքերով պայքարում  չորրորդ տեղն է զբաղեցրել։

Ընդհանուր առմամբ առաջնությանը Հայաստանի հավաքականից 12 սպորտսմեն է մասնակցել, նրանցից 9 մեծահասակ- սենիորներ, 2 պատանի, 1 վետերան-մաստեր։

Եվրոպայի Բազկամարտի 20-րդ առաջնությանը 22 երկրներից շուրջ 600 մարզիկ է մասնակցել։-0-