Հայաստանը պետք է 5-6 տարի միայն արտահանի, որպեսզի վճարի իր պարտքերը. փորձագետ

Հայսաստանը 5-6 տարիների ընթացքում պետք է միայն արտահանի և ոչինչ չծախսի, որպեսզի կարողանա վճարել իր արտաքին պարտքը, կարծում է Հայաստանի Կենտրոնական բանկի նախկին նախագահ Բագրատ Ասատրյանը:

«Եթե դատենք նախորդ տարվա ցուցանիշներից, Հայաստանը 5-6 տարի պետք է պետք է միայն արտահանի և ոչինչ չծախսի, որպեսզի կարողանա վճարել իր արտաքին պարտքը»,- ասաց Ասատրյանն ուրբաթ մամուլի ասուլիսում:

Հայաստանի ընդհանուր պետական պարտքը 2009 թվականի դեկտոմբերի 31-ի դրությամբ կազմել է 1270.7 մլրդ դրամ` աճելով 53.2 տոկոոսվ:

Ըստ նրա, Հայաստանի իշխանությունները պետք է մտահոգված լինեն երկրի պետպարտքի ներկա մակարդակով:

Ասատրյանը հիշեցրեց, որ համաշխարհային պրակտիկայում պետպարտքի մակարդակը համեմատում են ՀՆԱ-ի հետ:

Հայաստանի պետպարտքի ցուցանիշը ՀՆԱ կառուվածքում կազմում է շուրջ 35 տոկոս, մինչդեռ միջազգային չափանիշներով ռիսկային է համարվում ՀՆԱ-ի նկատմամբ պետպարտքի հարաբերակցության գերազանցումն ավելի քան 50 տոկոսով:

«Չեմ կարծում, թե մեր իշխանությունները պետք է հանգստանան, անհրաժեշտ է համեմատել պետպարտքի ցուցանիշն արտահանման ծավալի հետ, այսինքն, թե քանի տարի պետք է Հայաստանն արտահանի և ոչինչ չծախսի, որպեսզի վճարի պարտքը և ծածկի այն»,- ասաց ԿԲ նախկին նախագահը:

2010թ. հունվար-ապրիլին  Հայաստանի արտաքին առևտրաշրջանառության ընդհանուր ծավալը ավելացել է 30,9%-ով՝ 2009թ. նույն ժամանակահատվածի համեմատությամբ և կազմել 1408,7  մլն. դոլար։ Միաժամանակ արտահանման ծավալը կազմել է 289,8 մլն դոլար` ավելանալով 64,3 տոկոսով,  իսկ ներմուծման ծավալը՝ 1118,9  մլն դոլար` աճելով 24,4 տոկոսով: Արդյունքում արտաքին շրջանառության բալանսի բացասական սալդոն կազմել է 829,1 մլն դոլար: -0-