Վախթանգ (Վիկ) Դարչինյանն իր հաջորդ մենամարտը մեքսիկացի Ֆերնանդո Մոնտյելի հետ, ում հետ կվիճարկի գերթեթեև քաշային կարգում աշխարհի գերչեմպիոնի կոչումը։
«Հերթական պայքարը կլինի Ֆերնանդո Մոնտյելի հետ միևնույն քաշային կարգում, որում ես վերջերս հաղթեցի»,- ուրբաթ Երևանում լրագրողներին հայտնեց հայ բռնցքամարտիկը, որը վերջերս նվաճել է IBO վարկածով աշխարհի չեմպիոնի տիտղոսը։
Դարչինյանը հայտնեց, որ պատրաստվում է Մոնտյելիից խլել WBC և WBO վարկածներով գերթեթև քաշային կարգում չեմպիոնի գոտին և միացնել իր IBO գոտուն։
Նա ավելացրեց, որ մրցապայքարի անցկացման վերջանական պայմանագիրը կստորագրվի Մոնտյելիի հաջորդ մեմամարտից հետո, իսկ պայքարը կանցկացվի ԱՄՆ-ում՝ Լոս Անջելեսում կամ Լաս Վեգասում։
Ըստ Դարչինյանի՝ իր ծրագրերի մեջ է մտնում նաև մեքսիկացի Ռաֆայել Մարկեսի հետ մենամարտը։
Վախթանգ (Վիկ) Դարչինյանն աշխարհի յոթակի չեմպիոն է, ունի WBC և WBO վարկածներով առաջին գերթեթև քաշային կարգի, նաև IBO գերթեթև քաշային կարգի չեմպիոնի գոտիներ։ Պրոֆեսիոնալ ռինգում Դարչինյանը, ում «կատաղի ցուլ» են անվանում, 38 մրցապայքար է անցկացրել և 35 հաղթանակ տարել, այդ թվում 27-ը նոկաուտով, երկու պարտություն է կրել, և ևս մեկ մենամարտ ավարտել է ոչ-ոքի։ -0-
