Հայտնի հայ գրող, սցենարիստ և ռեժիսոր Աղասի Այվազյանի դրամատուրգիայի առաջին թատերական փառատոնը կանցկացվի հոկտեմբերի 18-28-ը Հայաստանում, ասաց փառատոնի նախագահ և նախագծի հեղինակ, գրողի այրի Գրետա Վերդյան-Այվազյանը։
2010թ.-ին դրամատուրգ, արձակագիր, նկարիչ, ռեժիսոր, Երևանի պատվավոր քաղաքացի Աղասի Այվազյանը 85 տարեկան կդառնար։
«Փառատոնն անցկացվում է հայրենական թատրոնները նոր խաղացանկով, ազգային անունով հարստացնելու և համախմբելու, ի դեմս մեր հայրենակից Աղասի Այվազյանի՝ աշխարհին նոր դրամատուրգիա ներկայացնելու նպատակով»,- չորեքշաբթի մամուլի ասուլիսի ժամանակ ասաց Վերդյան-Այվազյանը։
Ըստ նրա՝ ծրագրվում է «Հայրիկ» ֆիլմից Այվազյանի խոսքերով գրված «Երազ իմ երկիր հայրենի» երգով փառատոնն անցկացնել խորհրդարանական պուրակում և այդ նպատակով արդեն բանակցություններ են տարվում։
Վերդյան-այվազյանը նշեց, որ դրամատուրգի գրած 23 պիեսներից միայն վեցն է բեմադրվել հայրենական բեմում, և փառատոնը թույլ կտա դրանց նոր կյանք հաղորդել, այդ թվում հնարավորություն կտա նաև հետագայում մասնկացել այլ միջազգային փառատոների։
«Այվազյանի ստեղծագործությունը մինչև վերջ չի գնահատվել ժողովրդի կողմից, և փառատոնի անցկացումը թույլ կտա նրա ստեղծագործությունը հասարակությանը ներկայացնել, քանի որ իր հզոր դրամատուրգիայով նա կարող է օգնել դաստիարակել ազգը»,- ասաց դրամատուրգի այրին։
Նա նաև տեղեկացրեց, որ սեպտեմբերից Հայաստանի Հանրային հեռուստաընկերությունը կսկսի Այվազյանի պիեսներով բեմադրված ներկայացուների հեռարձակումը։
Իր հերթին փառատոնի տնօրեն Ռուբեն Փաշինյանը նշեց, որ փառատոնին, մասնավորապես, կմասնակցեն Երևանի, Արտաշատի, Վանաձորի, Էջմիածնի, Կապանի, Սևան-Գավառի, Գյումրու, Գորիսի, Հրազդանի, Ալավերդու, Ստեփանակերտի, Թբիլիսիի 18 թատրոններ։
«Թատրոնին ներկայացված հիմնական պահանջը Այվազյանի պիեսներով կամ պատմվածքներով բեմադրված ներկայացումներն են։ Բոլոր բեմադրությունները կգնահատվեն փորձագիտական հանձնաժողովի կողմից, որի կազմում են արվեստի հեղինակավոր գործիչներ, գրակագետներ, քննադատներ, դրամատուրգներ և այլ փորձագետներ»,- ասաց Փաշինյանը։
Նա նշեց, որ այսօր Հայաստանում շատ քիչ է թատերական դրամատուրգիան, և նման փառատոնի անցկացումը թույլ կտա հետագայում այն միջազգային դարձնել։
Փառատոնի կազմակերպիչն է Աղասի Այվազյանի անվան հումանիտար-կրթական համալիր-հիմնադրամը։ Փառատոնին աջակցում է ՀՀ մշակույթի նախարարությունը, իսկ որպես նախագծի գլխավոր տեղեկատվական հովանավոր հանդես է եկել Հայաստանի Հանրային հեռուստաընկերությունը։ -0-
