Սևանա լճի մակարդակը կարող է հասնել 1960 թվականի մակարդակին

ԵՐԵՎԱՆ, 3 հունիսի. /Նովոստի-Արմենիա/. Սևանա լճի մակարդակը շուտով կարող է հասնել 1900 մ ցուցանիշին, որը վերջին անգամ արձանագրվել է 1960 թվականին, ասաց Հայաստանի ջրային տնտեսության պետական կոմիտեի նախագահ Անդրանիկ Անդրեասյանը:

«Սևանա լճի մակարդակը ներկայումս կազմումս է 1899,9 մ` 2009 թվականի 1899.25 մ-ի դիմաց: Այլ կերպ ասած` նախորդ տարվա համեմատ ջրի մակարդակն ավելացել է 66 սմ-ով»,- հինգշաբթի լրագրողներին ասաց Անդրեասյանը:

Հայաստանի կառավարությունը հինգշաբթի տեղի ունեցած նիստում հաստատել է 2010 թվականին Սևանա լճի ջրի բացթողումների ծավալը 144.5 մլն խորանարդ մետրի չափով:

Անդրեասյանի խոսքերով՝ ներկայումս ջրային պահուստների մեծ պաշարներ կան, և դրանց կուտակման տեմպերը չեն դադարում, քանի որ ընթացիկ տարին բավականին ջրառատ է:

Սևանա լիճը Եվրոպայի և Ասիայի լեռնային ամենաբարձր լճերից է, գտնվում է Հայկական լեռնաշխարհի ամենակենտրոնում` 1914 մետր բարձրության վրա:

Հյուսիս-արևմուտքից դեպի հարավ-արևելք լիճը ձգվում է ավելի քան 70 կիլոմետր, իսկ ջրային հայելու մակերեսը հասնում է գրեթե 1500 քառակուսի կիլոմետրի: Լիճը տարածաշրջանի խմելու ջրի ամենագլխավոր ռեսուրսն է: -0-