«Ազատության նավատորմի» միջադեպի կապակցությամբ թուրքական հասարակությունում հրեաների նկատմամբ վերաբերմունքի վատացումը կարող է անդրադառնալ նաև հայերի վրա, կարծում է Կովկասի ինստիտուտի տնօրեն Ալեքսանդր Իսկանդարյանը:
Թուրքիայի և Իսրայելի միջև հարաբերությունները կտրուկ սրացան, երբ երկուշաբթի լույսի երեքշաբթի գիշերը Իսրայելի հատուկ նշանակության ջոկատը օպերացիա իրականացրեց վեց նավերից բաղկացած «Ազատության նավատորմի» զավթման ուղղությամբ, նավատորմի կազմում մարդասիրական բեռի հետ միասին շրջափակված պաղեստինական անկլավ էին մեկնում նվազագույնը 600 իրավապաշտպաններ, որոնց մեծամասնությունը Թուրքիայի քաղաքացիներ էին։ Համաշխարհային ԶԼՄ-ների տվյալներով՝ այս պահին իսրայելական հատուկ օպերացիայի զոհերի թիվը հասել է 19 մարդու։ Իսրայելցիները հաստատում են ինը մարդու մահը։
«Թուրքիայում հրեաների նկատմամբ վերաբերմունքը զգալիորեն վատացավ, և տեսականորեն դա կարող է դրսևորվել նաև հայերի նկատմամբ: Ինչ տեղի կունենա հետագայում, ցույց կտա իրավիճակի զարգացումը», - չորեքշաբթի մամուլի ասուլիսի ժամանակ ասաց քաղաքագետը:
Իսկանդարյանի խոսքերով՝ թուրքագետ-փորձագետները նշում են, որ հայերը կարող են տուժել թուրք-իսրայելական հարաբերությունների վատացումից:
Միաժամանակ նա հիշեցրեց, որ ավելի վաղ Թուրքիան և Իսրայելը ռազմավարական գործընկեր էին, համագործակցել են շատ ոլորտներում, այդ թվում նաև՝ գիտական, տնտեսական, ռազմական ոլորտներում, իսկ իսրայելցի զբոսաշրջիկները մասսայականորեն հանգստանում էին Թուրքիայի հանգստավայրերում:
Այժմ Թուրքիայում բնակվում է շուրջ 70 հազար հայ: Թուրքիայում հայկական համայնքի թիվը կտրուկ կրճատվեց 1915-1923 թթ.-ին տեղի ունեցած Հայոց ցեղասպանությունից հետո: Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։
Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Ռուսաստանը, Ֆրանսիան, Լիտվան, Իտալիայի խորհրդարանի ստորին պալատը, ԱՄՆ-ի նահանգների մեծամասնությունը։ Հայոց ցեղասպանության զոհերի հիշատակի օրը նշվում է ապրիլի 24-ին։-0-
