Հայաստանն աջակցում է եվրոպական անվտանգության պայմանագրի վերաբերյալ ՌԴ նախագահի նախաձեռնությանը

ԵՐԵՎԱՆ, 31 մայիսի. /Նովոստի-Արմենիա/. Հայաստանն աջակցում է եվրոպական անվտանգության պայմանագրի վերաբերյալ ՌԴ նախագահ Դմիտրի Մեդվեդևի նախաձեռնությանը, ասել է ՀՀ ԱԺ խոսնակ Հովիկ Աբրահամյանը:

ՀԱՊԿ ԽՎ խորհրդի առաջին արտագնա նիստը գումարվել է երկուշաբթի ՀՀ խորհրդարանում: Նիստն անցկացնում է ՌԴ Պետական Դումայի նախագահ, ՀԱՊԿ ԽՎ նախագահ Բորիս Գռիզլովը: Նիստին մասնակցում են Հայաստանի, Բելառուսի, Ղազախստանի, Ռուսաստանի և Տաջիկստանի խորհրդարանական պատվիրակությունները:

«Հայաստանի Հանրապետությունը՝ նախագահ Սերժ Սարգսյանի գլխավորությամբ, աջակցում է ՌԴ նախագահ Դմիտրի Մեդվեդևի նախաձեռնությանը, քանի որ այդ փաստաթղթի ընդունումը եվրաատլանտիկայում անվտանգության միասնական տարածքի ստեղծում է նշանակում, որտեղ կապահովվի հավասար անվտանգություն ընդգրկված բոլոր պետությունների համար, և պետություններից ոչ մեկին իրավունք չի տրվի ապահովել սեփական անվտանգությունն այլոց անվտանգության հաշվին», - ասել է Աբրահամյանը Երևանում կայացած ՀԱՊԿ ԽՎ խորհրդի նիստի ժամանակ:

Աբրահամյանի խոսքերով՝ Հայաստանն անհրաժեշտ է համարում, որպեսզի այդ փաստաթղթում ամրագրված լինի հակամարտությունների խաղաղ կարգավորման կոչերի ներքո մոտեցումների միասնականությունը, ընդ որում բացառապես բանակցությունների միջոցով:

ՀՀ ԱԺ խոսնակը պատահական չի համարում այն, որ այս նիստն անցկացվում է Հայաստանում, մի երկրում, որը գտնվում է Հարավային Կովկասի տարածքում, որն իրենից ինչպես տարածաշրջանային, այնպես էլ ոչ տարածաշրջանային պետությունների կենսական շահերի բարդ և խճճված կծիկ է ներկայացնում:

Ըստ Աբրահամյանի, այսօր տարածաշրջանում տեղի ունեցող գործընթացները լի են ծայրահեղ վտանգով, որոնք սպառնալիք են աշխարհին չմտածված գործողությունների դեպքում:

Նրա խոսքերով՝ տարածաշրջանում գերտերությունների վարքագիծը նրանց կողմից փոքր երկրների, ինչպեսին է Հայաստանը, ազգային և պետական շահերի անտեսման դեպքում կարող է դետոնատորի դեր խաղալ, որն ի վիճակի է տարածաշրջանը վերածել բոցավառվող կրակի՝ բոլոր բխող հետևանքներով:

«Հայաստանը, որին փաթաթված են բազմաթիվ տարածաշրջանային խնդիրների լուծումներ, այսօր կանգնած է շատ կարևոր ընտրության առջև՝ չզիջել սեփական շահերը և միաժամանակ չդառնալ քաղաքական և ներտարածաշրջանային սրացումների պատճառ: Սա է պատճառը, որ մենք հետաքրքրված ենք եվրաանվտանգության ռուսական պայմանագրով, որը ներառված է այսօրվա նիստի օրակարգում», - ասել է խոսնակը:-0-