«Ռոքն ընդդեմ ցեղասպանության» խոշոր փառատոնը կանցկացվի Հայաստանում

«Ռոքն ընդդեմ ցեղասպանության» խոշոր փառատոնը կանցկացվի Հայաստանում, ասաց վարչապետ Տիգրան Սարգսյանը:

«Ռոք աստղերից շատերն արդեն իրենց համաձայնությունը տվել են մասնակցելու այդ խոշոր փառատոնին»,- հինգշաբթի կառավարության նիստի ժամանակ ասաց նա:

ՀՀ կառավարությունը հինգշաբթի որոշում է ընդունել 10 մլն դրամ (ավելի քան 26 հազար ԱՄՆ դոլար) տրամադրել Գյումրու №6 երաժշտական դպրոցի վերանորոգմանը, որն ուժեղ վնասվել էր Սպիտակի երկրաշարժից:

Ըստ վարչապետի՝ այդ դպրոցը վայելում է համշախարհային ռոք աստղերի հատուկ ուշադրությունը, ովքեր ՀՀ նախագահի բարձր մրցանակների են արժանացել՝  Սպիտակի երկրաշարժի հետևանքները վերացնելու գործում և բարեգործական համերգներ անցկացնելու համար:

Համաշխարհային ռոք աստղեր Յան Գիլանը, Թոնի Այոմին, Ջեֆ Դաունսը և «Ռոքն օգնում է Հայաստանին» նախագծի հեղինակ Ջոն Դին անցյալ տարի հոկտեմբերին «Պատվի շքանշանով» են պարգևատրվել:

Սարգսյանն ընդգծել է համշախարհային հռչակ վայելող ռոք երաժիշտ, Deep Purple խմբի ղեկավար Յան Գիլանի (Ian Gillan) անձնական ներդրումը Գյումրու №6 երաժշտական դպրոցի վերականգնման գործում:

Ապրիլի 26-ին և 27-ին Յան Գիլանը Երևանում ՀՀ պետական սիմֆոնիկ նվագախմբի հետ համատռեղ երկու համերգ է ունեցել, որի ողջ հասույթը պետք է ուղղվի Գյումրում №6 երաժշտական դպրոցի վերակառուցմանը:

«Կարծում եմ, որ մեր համագործակցությունն այս ոլորտում կշարունակվի»,- ավելացրեց վարչապետը:

Իր հերթին ՀՀ ֆինանսների նախարար Տիգրան Դավթյանը նշեց, որ Գյումրու երաժշտական դպրոցին աջակցության բարեգործական ծրագիրը 100-120 մլն դրամ է (262-314 հազար ԱՄՆ դոլար) գնահատվում, որից արդեն հավաքվել է 18 մլն դրամը  (47,2 հազար դրամ):

«Ծրագիրը շարունակվում է, մի շարք կազմակերպություններ արդեն պատրաստ են մասնակցել դրան»,- ասաց նա՝ պարզաբանելով, որ կառավարության որոշումն իրենից նախագծում 10 տոկոսից էլ պակաս չափով խորհրդանշական մասնակցություն է ներկայացնում: -0-