Ամփոփված են այս տարվա «Կենգուրու» միջազգային մաթեմատիկական

Ամփոփված են այս տարվա «Կենգուրու» միջազգային մաթեմատիկական խաղ-մրցույթի արդյունքները, «Նովոստի-ԱՐմենիա» գործակալությանը տեղեկացրեցին «Այբ» կրթական հիմնադրամի մամուլի ծառայությունից:

«Այս տարի «Կենգուրու»-ին մասնակցել է 39 341 աշակերտ Հայաստանի բոլոր մարզերի 902 դպրոցից: Այս ցուցանիշը 25%-ով ավելին է, քան նախորդ տարի: Այս անգամ«Կենգուրուի» առավելագույն նշաձողը ոչ ոք չհաղթահարեց, և բացարձակ

հաղթողներ չեղան: Փոխարենը լավագույն արդյունք ցուցաբերած աշակերտների թիվը գրեթե կրկնակի ավելացել է` կազմելով 191»,- նշված է հաղորդագրության մեջ:

Հունիսի առաջին կեսին «Այբ» կրթական հիմնադրամը լրացուցիչմրցույթ է անցկացնելու լավագույն արդյունք ցուցաբերած և 12 տարին լրացած երեխաների միջև` նրանցից ընտրելու երկու «լավագույններից լավագույններին» և շնորհելու հաղթողների մրցանակները` ուղեգրեր դեպի եվրոպական երկրներից մեկում կազմակերպվող միջազգային ամառային ճամբար:

Ինչպես նշված է հաղորդագրության մեջ, բոլոր աշակերտները, անկախ վաստակած միավորներից, կստանան մասնակցության հավաստագրեր: Լավագույն 191–ը կարժանանան նաև պատվոգրերի և մրցանակների: Այս տարի «Այբ»-ի կազմակերպիչները կրկին սահմանել են լրացուցիչ խրախուսական մրցանակներ նրանց համար, ում մի փոքր չի հերիքել «լավագույն» ճանաչվելու համար, ինչպես նաև յուրաքանչյուր դպրոցում լավագույն արդյունք ցուցաբերած աշակերտի համար: Այսպիսով, ամեն մի դպրոց կունենա առնվազն մեկ մրցանակակիր: Այս տարի ընդհանուր թվով 1452 աշակերտներ արժանանալու են մրցանակների: Նրանց անունները հրապարակված են մրցույթի կայքէջում` www.kangaroo.am հասցեով:

Մայիսի 24-ից 31-ը «Այբ» կրթական հիմնադրամի կազմակերպիչները շրջելու են Հայաստանի 31 քաղաքներով, որպեսզի անձամբ հանձնեն երեխաների հավաստագրերը, պատվոգրերն ու մրցանակները:-0-