Միջազգային տիպային թեստեր՝ դիմորդների համար

«Միջազգային կրթական գործընկերներ» (International Education Partners) բրիտանական ընկերության աջակցությամբ Հայաստանում առաջին անգամ միջազգային տիպային թեստեր են հայտնվել դպրոցների շրջանավարտների և դիմորդների համար:

«Այդ տիպային թեստերը, որոնք մշակվել են՝ հաշվի առնելով հայկական պետական չափորոշիչներն ու առարկայի չափորոշիչները, կօգնեն ոչ միայն մեր աշակերտներին, դիմորդներին, այլ նաև ուսուցիչներին»,- «Նովոստի-Արմենիա» միջազգային մամուլի կենտրոնում ասաց Հայաստանում IEP դուստր կազմակերպության նախագահ, Երևանի Բրյուսովի անվան պետական լեզվաբանական համալսարանի դոցենտ Նինա Տատկալոն:

«Միջազգային կրթական գործընկերներ» ընկերությունը հիմնադրվել է 2009թ.-ին Հայաստանում՝ նպատակ ունենալով Հայաստանի կրթական համակարգում միջազգային չափորոշիչներին համապատասխան զարգացնել քոնսալթինգային ծառայությունների տրամադրման մակարդակը, կադրերի ուսումնասիրությունն ու վերապատրաստումը:

Ըստ Տատկալոյի, տիպային թեստերի առաջին սերիան իր մեջ ներառում է հետևյալ առարկաները՝ քիմիա, անգլերեն և ռուսերեն լեզուներ:

Նա ասաց, որ թեստերի մշակմամբ զբաղվել են տեղի ուսուցիչները, ովքեր վերապատրաստում են անցել են Անգլիայից ժամանած բարձրորակ մասնագետների մոտ:

Նշելով Հայաստանում թեստերի մշակման և կիրառման համեմատաբար ոչ մեծ փորձառությունը (շուրջ 2-3 տարի), Տատկալոն համենայնդեպս հույս հայտնեց, որ տեսանելի ապագայում կհաջողվի հանրապետությունում որակյալ թեստերի մշակման համակարգ և մշակույթ ձևավորել: --0-