Օրենբուրգի նահանգապետ Ալեքսեյ Չերնիշովն իր հայ գործընկերոջը՝ ՀՀ Արարատի մարզպետ Վարդգես Հովակիմյանին հրավիրել է ՌԴ Օրենբուրգի մարզ՝ ծանոթանալու արդյունաբերական-տնտեսական ներուժին:
Հրավերը Հովակիմյանին է փոխանցվել ուրբաթ՝ երկու մարզերի տնտեսական համագործակցության համաձայնագրի ստորագրումից հետո:
«Արարատի մարզի պատվիրակությանը մեր մարզ հրավիրելով՝ մենք ցանկանում ենք, որ պատվիրակության կազմում որոշակի մարդիկ լինեն, ովքեր համաձայնագիր կկնքեն Օրենբուրգի մարզի որոշակի ձեռնարկության հետ, որպեսզի մեր մարզի ապրանքը այստեղ՝ Հայաստանում լինի, ավելի հստակ՝ Արարատի մարզում»,- ասաց Չերնիշովը:
Արարատի մարզպետ Հովակիմյանն էլ շնորհակալություն հայտնեց հրավերի համար և հետագա արգասաբեր համագործակցության հույս հայտնեց:
«Այդ օրերին կկազմակերպվեն մեր երկու մարզերի արդադրողների և գործարարների հանդիպումները, և նրանք միմյանց հետ կպայմանավորվեն: Ես որպես նահանգապետ՝ նրանց ամեն կերպ կօգնեմ»,- ասաց նա:
Արարատի մարզ կատարած այցի շրջանակներում, Օրենբուրգի մարզի պատվիրակության անդամներն այցելել են Ավշարի գինու գործարանը և ծանոթացել են ձեռնարկության ապրանքին. գործարանը շուրջ 14 տեսակի հայկական կոնյակ («Մարմարա», «Արդվին», «Ախթալա», «Բերդսար») և երեք տեսակի օղի ունի:-0-
