ԵՐԵՎԱՆ, 20 մայիսի. /Նովոստի-Արմենիա/. Հայերը ճիշտ կվարվեն, եթե իրենց խնայողությունները պահեն անտիկվարիատի և թանկարժեք մետաղների տեսքով, հինգշաբթի մամուլի ասուլիսում ասաց Հայաստանի նախկին վարչապետ Հրանտ Բագրատյանը։
«Չնչին խնայողություններ ունեցողների համար դրանց պահպանման լավագույն ձևը թանկարժեք մետաղներն ու անտիկվարիատն են»,- ասաց Բագրատյանը։
Նա խորհուրդ տվեց քաղաքացիներին ճգնաժամի պայմաններում գնել պալադիում և պլատին, քանի որ դրանց գինն աճի միտում ունի, մինչդեռ ոսկին կէժանանա։
Խոսելով անտիկվարիատի մասին՝ Բագրատյանն ասաց, որ արվեստի հայտնի ստեղծագործություններն այժմ շատ արժեզրկված են, բայց հետագայում դրանց արժեքը կմեծանա։
Ֆինանսների նախարարության Թանկարժեք մետաղների և թանկարժեք քարերի պետական գանձարանի թանկարժեք մետաղների համար սահմանած գների համաձայն՝ մայիսի 17-23-ը քիմիապես մաքուր ոսկու մեկ գրամի հաստատված գինը կազմում է շուրջ 40 ԱՄՆ դոլար, պլատինի գինը՝ 55 դոլար, պալադիումինը՝ 17 դոլար։ -0-
