Հայաստանում ծնելիության մակարդակն աղետալի կերպով նվազել է. ժողովրդագիր

Հայ ժողովրդագիր Ռուբեն Եգանյանը կանխատեսում է, որ 10 տարի անց Հայաստանում ծնելիության մակարդակի աղետալի կրճատում կգրանցվի:

Պաշտոնական վիճակագրական տվյալների համաձայն, եթե 90-ականների սկզբին Հայաստանում տարեկան ծնվում էր մոտ 70-80 հազար երեխա, ապա 2001թ.-ին այդ թիվը հասել է 32 հազարի:

«10 տարի անց, երբ 2011թ.-ին ծնված քաղաքացիների սերունդը վերարտադրական տարիքի կհասնի, ծնելիությունը կտրուկ կնվազի»,- չորեքշաբթի մամուլի ասուլիսի ժամանակ ասաց նա:

Նա նշեց, որ վերջին տարիներին դիտվող ծնելիության աճը պայմանավորված է վերարտադրական տարիք մտնող անձանցով, ովքեր ծնվել են 90-ական թվականներին, սակայն, այդ միտումը միայն ժամանակավոր բնույթ է կրում:

Եգանյանը տվյալ միտումը առաջին հերթին կապել է Հայաստանում ընտանիքի տեսակի փոփոխության հետ, եթե խորհրդային ժամանակահատվածում հայկական ընտանիքի տեսակը ներառում էր երկուսից երեք երեխա, ապա ներկայում հայկական ընտանիքները նախընտրում են միայն մեկ երեխա ունենալ:

«70 հազար ցուցանիշը դեռ ամբողջական չի համարվում, բայց եթե հիշենք, որ մենք հասել ենք 32 հազար թվին, ապա կարելի է ասել, որ տվյալ միտումը կխորանա»,- ասաց Եգանյանը:

Հայաստանի Հանրապետության ազգային վիճակագրական ծառայության մարդահամարի և ժողովրդագրության բաժնի պետ Կարինե Կույումջյանն այս կապակցությամբ նշեց, որ 2001թ.-ին գրանցվել է ծնելիության ամենացածր ցուցանիշը, այնուհետև այն սկսել է աստիճանաբար մեծանալ և 2008թ.-ին հասել է 41,2 հազարի:

«Այսօր Հայաստանում վերարտադրական տարիքում գտնվող ամեն մի կնոջ 1,4 երեխա է հասնում»,- հայտնեց նա: -0-