ԵՐԵՎԱՆ, 18 մայիսի./Նովոստի-Արմենիա/. ԵԽԽՎ-ում Հայաստանին մեծ դժվարություններ են սպասում, այս կարծիքին է ՀՅԴ խորհրդարանական խմբակցության ղեկավար Վահան Հովհաննիսյանը։
«Մեզ համար հեշտ չի լինի աշխատել ԵԽԽՎ-ում՝ հաշվի առնելով նախագահի վարած քաղաքականությունը»,- երեքշաբթի երկրի խորհրդարանում քաղաքական հայտարարությունների ժամի ընթացքում ասաց նա։
Եվրախորհրդի խորհրդարանական վեհաժողովի նախագահ Մևլութ Չավուշօղլուն էթնիկ թուրք է։ Չավուշօղլուն այցով Հայաստանում էր մայիսի 12-13-ը և հանդիպել է երկրի քաղաքական ղեկավարության և խորհրդարանական խմբակցության անդամների հետ, ինչպես նաև՝ արտարդարանական ընդդիմության ներկայացուցիչների հետ։
Ըստ Հովհաննիսյանի՝ Հայաստանը ԵԽԽՎ նախագահի՝ երկիր կատարած վերջին այցից պետք է անհրաժեշտ եզրակացություններ անի։ Խմբակցության ղեկավարնը հիշեցրեց, որ միայն «Դաշնակցությունն» է հրաժարվել հանդիպել կառույցի ղեկավարի հետ։
«Շատ ուժեր են հանդիպում անցկացրել Չավուշօղլուի հետ... Մի քանիսը նույնիսկ սկսել են բողոքել թուրքին Հայաստանից։ Այցի ժամանակ Չավուշօղլուն ևս մեկ անգամ հաստատեց, որ ինքը թուրք է, այլ ոչ հեղինակավոր միջազգային կառույցի ներկայացուցիչ»,- նշեց Հովհաննիսյանը։
Պատգամավորը հիշեցրեց, որ Չավուշօղլուն կոչ է արել հարգել իր որոշումը՝ չայցելել Ծիծեռնակաբերդի հուշահամալիրը և հույս է հայտնել, որ շուտով Հայաստանը կթերթի իր պատմության սև էջը (նկատի ունենալով 2008թ.-ի մարտի 1-2 դեպքերը - «Նովոստի- Արմենիա»)։
«Բայց դրա հետ մեկտեղ նա չհիշեց իր երկրի պատմության սև էջերը»,- ընդգծեց նա։
Թուրքիան ավանդաբար հերքում է Առաջին համաշխարհային պատերազմի տարիներին Օսմանյան կայսրությունում շուրջ մեկուկես միլիոն հայերի ոչնչացումը և շատ ցավոտ է արձագանքում Արևմուտքի քննադատությանն այս հարցում։
Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-
