Եվրատեսիլին տեխնիկական պատճառներով Հայաստանը շքեղ շոու չի ներկայացնի. Եվա Ռիվաս

ԵՐԵՎԱՆ, 17 մայիսի./Նովոստի-Արմենիա/. Տեխնիկական պատճառներով «Եվրատեսիլ-2010» մրցույթին Հայաստանը չի կարողանա շքեղ շոու ներկայացնել, «Նովոստի-Արմենիա» գործակալությանը հայտնեց մրցույթի հայ ներկայացուցիչ Եվա Ռիվասը։

«Որևէ գերշքեղ բան չի լինի։ Մենք ցանկանում էինք ինչ-որ շքեղ, աներևակայելի բան անել, բայց տեխնիկական պատճառներով Եվրատեսիլի կազմակերպիչները մեզ թույլ չտվեցին»,- ասաց նա։

«Այդուհանդերձ՝ հետաքրքիր կլինի, գեղեցիկ կլինի»,- ավելացրեց նա։

Ռիվասն ասաց, որ Հայաստանում մրցույթի շոուին մեծ նշանակություն են տալիս, թեև ամենակարևորը այն մարդիկ են, ովքեր մասնակցելու են մրցույթին։

Ըստ նրա՝ ամենակարևորը մրցույթին այնպիսի մարդկանց մասնկցությունն է, ինչպիսիք են Ջիվան Գասպարյանը, Գոռ Սուջյանը, Տիգրան Պետրոսյանը, Մարիամ Մեհրաբովան։

 «Ինձ թվում է, որ եթե նույնիսկ բեմում որևէ այլ բան չլիներ, բավական է այն մարդկանց ներկայությունը, ովքեր կլինեն բեմում»,- նշեց նա։

«Եվրատեսիլ-2010» մրցույթին Եվա Ռիվասը կկատարի «Apricot stone» (Ծիրանի կորիզ) երգը, որի երաժշտությունը գրել է կոմպոզիտոր Արմեն Մարտիրոսյանը, իսկ բառերը՝ Կարեն Կավալերյանը։ Երգում ասվում է այն մասին, որ գետնին նետած ծիրանի կորիզից մինչև երկինք ծիրանի ծառ կաճի՝ Հայաստանի խորհրդանիշը։

Բեք-ոկալ կապահովեն Տիգրան Պետրոսյանը, Դորիանս խմբի մենակատար Գոռ Սուջյանը և Մարիամ Մեհրաբովան։

Մայիսի 27-ին Ռիվասը երկրորդ համարի ներքո ելույթ կունենա երկրորդ կիսաեզրափակչում, որին կմասնակացեն Ուկրաինայի, Թուրքիայի, Վրաստանի և Ադրբեջանի ներկայացուցիչները։ Երաժշտական մրցույթի առաջին կիսաեզրափակիչը տեղի կունենա մայիսի 25-ին, իսկ եզրափակիչը՝ մայիսի 29-ին։-0-