Հայ-թուրքական գործընթացի սառեցումը ձեռնտու է Հայաստանին և Թուրքիային. փորձագետ

Հայ-թուրքական գործընթացի սառեցումը ձեռնտու էր ինչպես Հայաստանին և Թուրքիային, այնպես էլ միջազգային կառույցներին, կարծում է Քաղաքացիական հասարակության և տարածաշրջանային զարգացման ինստիտուտի ծրագրերի համակարգող, քաղաքագետ Շուշան Խաթլամաջյանը։

ՀՀ նախագահ Սերժ Սարգսյանն ապրիլի 22-ի իր հրամանագրով կասեցրել է երկրի խորհրդարանում հայ-թուրքական արձանագրությունների վավերացման ընթացակարգը, որոնք ստորագրվել էին երկու երկրի արտգործնախարարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում:

«Այժմ բոլոր կողմերը կարող են կենտրոնանալ այլ խնդիրների վրա, մասնավորապես, ճգնաժամի և միջազգային հարաբերությունների վրա։ Բացի այդ, Թուրքիային նախընտրական մեծ ժամանակահատված է սպասվում, ինչը չի կարող նկատի չառնել իշխանության կուսակցությունը»,- ուրբաթ մամուլի ասուլիսում ասաց Խաթլամաջյանը։

Ըստ նրա՝ Թուրքիան պետք է լուծի իր ներքին խնդիրներն ու հակասությունները երկրում 2011 թվականի խորհրդարանական ընտրությունների նախաշեմին։ Բացի այդ, ինչպես տեղեկացրեց քաղաքագետը, հայ-թուրքական հարաբերությունների բարելավման հարցում միասնականություն չի եղել թե հայ հասարակությունում, թե քաղաքական դաշտում։ -0-

«Այդ պատճառով էլ Հայաստանի նախագահի որոշումը դրական է ընդունվել բոլոր կողմերի կողմից»,- նշեց Խաթլամաջյանը: