Սպիտակ քաղաքում ավարտվել են քարշային ենթակայանի արդիականացման աշխատանքները, որը պատկանում է Գյումրու էլեկտրիֆիկացման և էներգամատակարարման տարածությանը, հաղորդում է «Հարավկովկասյան երկաթուղի» ՓԲԸ մամուլի ծառայությունը՝ հիմնվելով ՀԿԵ էլեկտրիֆիկացման և էներգամատակարարման ծառայության ներկայացրած տվյալների վրա:
«1988թ.-ի ավերիչ երկրաշարժից հետո ենթակայանը գործնականորեն չի գործել: Արդիականացման աշխատանքները սկսվել էին 2009թ.-ի դեկտեմբերից և ավարտվել են 2010թ.-ի ապրիլին: «ՀԿԵ» ՓԲԸ կողմից արդիականացման անցկացման ժամանակ ձեռք են բերվել և տեղադրվել հետևյալ սարքերը՝ լարման տրանսֆորմատներ, ավտոմատ արագ գործող անջատիչներ, բաժանիչներ, տարբեր տեսակի և պիտակի ռելեներ: Ինչպես նաև նորոգվել են կոմունիկացիաները»,- ասվում է հաղորդագրությունում:
Ներդրումային ծրագրով քարշային ենթակայանի ողջ արդիականացմանն ուղղվել է 4,2 մլն ռուբլի:
«Հայկական երկաթուղի» ՓԲԸ-ի կոնցեսիոն կառավարումն իրականացնում է «ՀԿԵ» ՓԲԸ-ն՝ «Ռուսական երկաթուղի» ԲԲԸ-ի հարյուրտոկոսանոց դուստրը: ՀԿԵ-ն իր բալանսում ընդունել ՀԿԵ շարժակակազմը 2008թ. հունիսի մեկից՝ «Հայկական երկաթուղի» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով՝ 2008թ. փետրվարի 13-ի կոնցեսիոն պայմանագրին համապատասխան։--0-
