ՀՄՊ թեմայով պլակատների և բացիկների ցուցահանդես է առաջին անգամ բացվել Հայաստանում

ԵՐԵՎԱՆ, 11 մայիսի./Նովոստի-Արմենիա/. Հայրենական Մեծ պատերազմի թեմայով պլակատների, բացիկների և լուսանկարների ցուցահանդես է բացվել երեքշաբթի Երևանում՝ Ազգային գրադարանի շենքում։

Ցուցահանդեսին, որը կտևի մինչև մայիսի վերջ, ներկայացված են հայտնի խորհրդային նկարիչների 64 պլակատներ, բացիկներ և լուսանկարներ՝ նվիրված  Հայրենական Մեծ պատերազմի հերոսներին և պատմական իրադարձություններին։

«Ցուցահանդեսը յուրահատուկ է նրանով, որ ՀՀ Ազգային գրադարանը այն կազմակերպել է իր հավաքածուի բացիկներից և պլակատներից»,- բացման արարողության ժամանակ ասաց Ազգային գրադարանի փոխտնօրեն Ռաֆիկ Ղազարյանը։

Ւր հերթին Նկարիչների միության անդամ Հենրիխ Մամյանը նշեց, որ Հայաստանում պլակատի և բացիկի ժանրը խորհրդային իշխանության հաստատումից հետո (1920թ.-ին) առավել մեծ տարածում է գտել, երբ հիմնական թեմաներ էին դարձել կոլխոզների, ձեռնարկությունների բացումը։ Ըստ նրա՝ Հայրենական Մեծ պատերազմից հետո սկսվեցին խորհրդային մարշալների, պատերազմի հերոսների և պատերազմական ժամանակների պատմական էպիզոդների պատկերով պլակատներ և բացիկներ ստեղծել։ 

Նկարիչը, մասնավորապես, Խորհրդային Հայաստանում պլակատի ժանրի զարգացման երկու փուլ ընդգծեց՝ 20-50-ականների վերջը և 60-70-ականները, երբ ՀՀ Նկարիչների միությունում հատուկ պլակատի բաժանմունք էր ստեղծվել։

«Իհարկե, այդ ժամանակ պլակատներ ստեղծելու միջոցները շատ սահմանափակ էին։ Սակայն թղթի և ներկի որակը դեր չէին խաղում։ Այդ ժանրում ամենից կարևորը միտքն է»,- ասաց Մամյանը։ -0-