Հայրենական Մեծ պատերազմի մասնակիցների սոցիալական պաշտպանությունը ՀՀ կառավարության ուշադրության կենտրոնում է. վարչապետ
Երկրորդ համաշխարհային պատերազմի տարիներին հայ ժողովուրդը ռազմաճակատ է ուղարկել 600 հազար մարտիկ, որոնցից 300 հազարը Հայաստանից էին, 200 հազարը՝ խորհրդային այլ հանրապետություններից, ևս 100 հազարը՝ արտասահմանյան երկրներից: Ռազմական գործողությունների հետևանքով զոհվել է շուրջ 175 հազար հայ: Այսօր Հայաստանում բնակվում է Հայրենական պատերազմի մոտ չորս հազար վետերան:
«Խորհրդարանում հաստատված որոշում է ընդունվել արտահերթ կարգով փոխհատուցել Մեծ հայրենականի մասնակիցների` ԽՍՀՄ Խնայբանկում «սառեցված» ավանդները։ Որոշումը վերաբերել է Հայաստանում ապրող բոլոր վետերաններին», - ասել է Սարգսյանը կիրակի Հայրենական Մեծ պատերազմի հաղթանակի 65-ամյակի կապակցությամբ կազմակերպված տոնական ընդունելության ժամանակ:Նրա խոսքերով՝ պահուստային ֆոնդից նաև միջոցներ են հատկացվել հայ հարգարժան 300 վետերանների վերականգնողական բժշկության կազմակերպման և հանգիստի համար։ Քննարկվում է նրանց համար առողջապահական, տրանսպորտի սպասարկման և կենցաղային ծառայությունների արտոնությունների ցանկի ընդյալնման հարցը։
«Անկասկած, դա փոքր մասն է նրա, ինչի արժանի են մեր թանկագին վետերանները, և երկրի ղեկավարությունն առավելագույն ջանք է գործադրում, որպեսզի Հայաստանը վերածվի ուժեղ, հարուստ և ծաղկող պետության։ Հենց այդպիսի պետության մեջ մենք կարող ենք մեր հերոսների համար լիովին ապահովել նրանց վաստակած խնամքն ու ուշադրությունը», - ասել է Սարգսյանը:
Հայրենական պատերազմի մեծ զորավարների թվում են Խորհրդային Միության կրկնակի հերոս, մարշալ Իվան (Հովհաննես) Բաղրամյանը, զրահատանկային զորքերի գլխավոր մարշալ Համազասպ Բաբաջանյանը, ավիացիայի մարշալ Սերգեյ Խուդյակովը (Արմենակ Համփերյանց), ԽՍՀՄ նավատորմի ադմիրալ Իվան Իսակովը:
Հայ ժողովուրդը պատրաստել և ռազմաճակատ է ուղարկել վեց մոտոհրաձգային դիվիզիա, իսկ Թամանյան 89-րդ դիվիզիան հասել է մինչև Բեռլին:-0-
