ՄՀՊ Հաղթանակի 65-ամյակը տոնելու համար Հայաստանը շուրջ 27 հազար դոլար կծախսի

Հայրենական Մեծ պատերազմում տարած Հաղթանակի 65-ամյակի տոնական միջոցառումների կազմակերպման համար ՀՀ Կառավարությունը պաշտպանության նախարարությանը 10,3 մլն դրամ է ($26,7 հազար) հատկացրել:

«Միջոցները նախատեսված են համերգի կազմակերպման և տոնական հռավարության համար»,- հինգշաբթի կառավարական նիստի ժամանակ ասաց ՀՀ պաշտպանության նախարար Սեյրան Օհանյանը:

Ներկայումս Հայաստանում ՄՀՊ 3 700 վետերան է բնակվում: Հայրենական ՄԵծ պատերազմի տարիներին հայ ժողովուրդը ռազմաճակատ է ուղարկել իր 600 հազար զինվորներին: Պատերազմական գործողությունների ժամանակ շուրջ 175 հազար հայ է զոհվել: Սովետական միության հերոս է  դարձել 106 հայ:

Պատերազմի տարիներին հայ ժողովուրդը 106 հերոս է ունեցել։ Երկրորդ համաշխարհային պատերազմի խոշորագույն զինվորական հրամանատարներն են  Խորհրդային միության կրկնակի հերոս, մարշալ Իվան (Հովհաննես) Բաղրամյանը, զրահատանկային զորքի գլխավոր մարշալ Համազասպ Բաբաջանյանը, ավիացիայի մարշալ Սերգեյ Խուդյակովը (Արմենակ Խամփերյանց), ԽՍՀՄ նավատորմի ծովակալ Իվան Իսակովը։ Հայ ժողովուրդը պատրաստել և ռազմաճակատ է ուղարկել վեց մոտոհրաձգային դիվիզիա, իսկ Թամանյան 89-րդ դիվիզիան հասել է մինչև Բեռլին։