Չորս հայ վետերաններ հրավիրվել են Մոսկվայում կայանալիք Հաղթանակի շքերթին
Չորս հայ վետերաններ հինգշաբթի Հայաստանում Ռուսաստանի Արտակարգ և լիազոր դեսպան Վյաչեսլավ Կովալենկոյից մայիսի 9-ին Կարմիր հրապարակում կայանալիք Հաղթանակի շքերթին մասնակցելու հրավեր են ստացել:
Բացի այդ, 20 վետերանների հոբելյանական մեդալներ են հանձնվել՝ նվիրված Հայրենական Մեծ պատերազմում տարած Հաղթանակի 65-ամյակին, ինչպես նաև դրամական պարգևներ՝ ՌԴ նախագահ Դմիտրի Մեդվեդևի անունից:
«Մեր մեջ են գտնվում պատերազմի հերոսները, ովքեր արյան, տառապանքի և զրկանքի միջով են անցել, բայց պահպանել են մեր ընդհանուր, հսկա Հայրենիքը»,- հանդիսավոր միջոցառման ժամանակ ասաց դեսպանը:
Կովալենկոն ավելացրեց, որ չնայած մեծ Հաղթանակի օրվանից ավելի քան կես դար է անցել, սակայն մարդիկ վառ կպահեն հիշողությունն այդ մասին:
Դեսպանն անձամբ է պարգևներ հանձնել վետերաններին՝ նրանց բոլորին ջերմ երախտագիտության խոսքեր ուղղելով:
ՀՀ Վետերանների խորհրդի նախագահի պաշտոնակատար, փոխգնդապետ Սեմյոն Եսայանն իր հերթին «Նովոստի-Արմենիա» գործակալությանը հայտնեց, որ բացի այդ չորս վետերաններից, Հաղթանակի շքերթին կմասնակցեն ևս վեց վետերաններ Հայաստանից և չորսը՝ Լեռնային Ղարաբաղի հանրապետությունից: -0-
